ការប្រកួតកីឡាអេឡិចត្រូនិកជើងឯកពិភពលោកលើកទី១៤ ដែលការប្រកួតចាប់ផ្តើមពីថ្ងៃទី១-១១ ខែធ្នូ ឆ្នាំ២០២២ មានអត្តពលិកជាង៧០០នាក់មកពី១០៥ប្រទេសចូលរួម ដោយប្រកួតប្រជែងគ្នាលើ៦វិញ្ញាសា រួមមាន eFootball, Dota2, Tekken, CS: Go, Mobile Legends: Bang Bang និង PUBG Mobile។ 

 

ក្រុម Impunity KH របស់កម្ពុជាឆ្លងកាត់៤ប្រកួត ឈ្នះ២ និងចាញ់២។ ប្រកួតដំបូង កម្ពុជាបានយកឈ្នះជម្រើសជាតិណាមីប៊ី ២-០, ប្រកួតបន្ទាប់ ឈ្នះក្រុមម៉ាឡេស៊ី ២-១ រីឯនៅវគ្គពាក់កណ្តាលផ្តាច់ព្រ័ត្រកម្រិតខ្ពស់ កម្ពុជា ចាញ់ឥណ្ឌូនេស៊ី ២-១  និងបន្តចាញ់ហ្វីលីពីន ២-០ នៅវគ្គពាក់កណ្តាលផ្តាច់ព្រ័ត្រកម្រិតទាប ទទួលបានចំណាត់ថ្នាក់លេខ៣ តំបន់មេដាយសំរឹទ្ធ ដែលទទួលបានប្រាក់រង្វាន់២ម៉ឺនដុល្លារអាម៉េរិក។

ម្ចាស់ផ្ទះឥណ្ឌូណេស៊ីឈ្នះមេដាយមាសទទួលបានប្រាក់រង្វាន់៥ម៉ឺនដុល្លារ និងហ្វីលីពីនទទួលបានមេដាយប្រាក់ជាមួយប្រាក់រង្វាន់៣ម៉ឺនដុល្លារ៕