អគ្គនាយកដ្ឋានសុខភាពសត្វ និងផលិតកម្មសត្វ នៅថ្ងៃទី១២មករា ឆ្នាំ២០២៣ បានចុះត្រួតពិនិត្យទីតាំងកែច្នៃជ្រូកខ្វៃ បុរីលាភមួយកន្លែងដែលមានទីតាំងស្ថិតនៅផ្លូវលេខ ៦០ម៉ែត្រ សង្កាត់ចាក់អង្រែក្រោម ខណ្ឌមានជ័យរាជធានីភ្នំពេញ។ 

 

 

បើតាមអគ្គនាយកដ្ឋានដដែល សត្វជ្រូករស់ ៦១ក្បាលនោះមានទម្ងន់ចន្លោះពី ១០គីឡូក្រាម ទៅ២០គីឡូក្រាម ដែលនំាចូលមកពីប្រទេសវៀតណាមតាមច្រករបៀង ឆ្ពោះទៅលក់ចែកចាយនៅរាជធានីភ្នំពេញដោយគ្មានលិខិតអនុញ្ញាតពីក្រសួងកសិកម្ម រុក្ខាប្រមាញ់ និងនេសាទ។

 

បច្ចុប្បន្ន ក្រុមអន្តរាគមន៍​បង្ក្រាបបទល្មើសចលនាសត្វ និងផលិតកម្មសត្វ បាននាំយកវត្ថុតាំងជ្រូករស់ទាំង ៦១ក្បាល ទៅរក្សាទុកនៅចត្តាឡីស័ករបស់អគ្គនាយកដ្ឋានសុខភាពសត្វ និងផលិតកម្មសត្វ ដើម្បីចាត់វិធានការតាមនីតិវិធី៕