បើតាមការអះអាងរបស់ ចៅសង្កាត់រងទី១រូបនេះ អ្នកស្រឡាញ់ភេទដូចគ្នា ឬអ្នកប្ដូរយេនឌ័រ មករកសេវាសាធារណៈនៅសាលាសង្កាត់ ត្រូវបានអាជ្ញាធរ ទទួលស្វាគមន៍ និងមិនមានការរើសអើងឡើយ។ ពោលគឺការផ្ដល់សេវានោះ គឺដូចទៅនឹងពលរដ្ឋទូទៅ។ 

 

លោកបញ្ជាក់បន្ថែមដូច្នេះ៖«យើងមិនមានរើសអើង(អ្នកស្រឡាញភេទដូចគ្នា ឬអ្នកប្ដូរយេនឌ័រ)ឡើយ តែខ្លាចតែគាត់ខ្លួនឯង ខ្លាចគេរើសអើង»។ លោកលើកទឹកចិត្តឱ្យពលរដ្ឋដែលជាអ្នកស្រឡាញ់ភេទដូចគ្នា ឬអ្នកប្ដូរយេនឌ័រ ឱ្យមករកអាជ្ញាធរប្រសិនបើពួកគាត់មានបញ្ហា ឬតម្រូវការអ្វីមួយ ដោយកុំការអៀនខ្មាសឡើយ។ 
 

ជាមួយគ្នានេះ ការផ្ដល់សេវាសាធារណនៅសង្កាត់បន្សាយរាក់នេះ គឺយកកម្រៃទៅតាមបញ្ជីតម្លៃសេវាផងដែរ។​ លោកក៏អំពាវនាវឱ្យពលរដ្ឋ ដែលមករកសេវាសាធារណៈនៅសាលាសង្កាត់ គួរភ្ជាប់ជាមួយឯកសារឱ្យបានគ្រប់គ្រាន់ ដើម្បីកុំឱ្យខាតពេលវេលា៕

 

អានអត្ថបទពាក់ព័ន្ធផ្សេងទៀត៖ យុវជនសកម្មសេវាល្អ