ក្រុមការងារអគ្គនាយកដ្ឋានសុខភាពសត្វ និងផលិតកម្មសត្វ សហការជាមួយការិយាល័យផលិតកម្ម និងបសុព្យាបាលភ្នំពេញ រួមទាំង​អាជ្ញាធរពាក់​ព័ន្ធ​ បានចុះឆែកឆេរ ទីតាំងស្ដុកសាច់ជ្រូកបង្កក និងចែកចាយផលិតផលដើមកំណើតសត្វ មួយកន្លែង នៅភូមិចំរើនផល សង្កាត់បឹងទំពុនទី១ ខណ្ឌមានជ័យ។
  

ក្នុងការចុះបង្រ្កាបនេះ អាជ្ញាធរ បានរកឃើញសាច់ជ្រូកបង្កក និងគ្រឿងក្នុងជ្រូកបង្កក ចំនួន ៧តោន ដែលពុំមានប្រភពនាំចូលច្បាស់លាស់ និងគ្មានច្បាប់អនុញ្ញាត។ យ៉ាងណា ម្ចាស់ទីតាំងខាងលើ ពុំមានឯកសារផ្ទៀងផ្ទាត់ជាមួយវត្ថុតាងនោះទេ ដូច្នេះកម្លាំងជំនាញបានស្នើសុំ ទៅព្រះរាជអាជ្ញារង ផ្អាកការលក់ចែកចាយជាបណ្តោះអាសន្ន។ ជាមួយគ្នានេះ ក៏​តម្រូវឲ្យម្ចាស់ទីតាំងទៅបំភ្លឺពាក់ព័ន្ធនឹងករណីនេះនៅ គណៈកម្មាធិការប្រយុទ្ធប្រឆាំងផលិតផលក្លែងក្លាយ ដើម្បីបន្តនីតិវិធី៕