ស្របពេលសង្រ្គាមនៅអ៊ុយក្រែន ឈានចូលខួបមួយឆ្នាំ ប្រធានាធិបតីអាម៉េរិក លោក ចូ បៃឌិន បានធ្វើទស្សនកិច្ចនៅក្រុងកៀវ ដោយមិនបានប្រកាសជាមុន។ នេះជាដំណើរទស្សនកិច្ចលើកដំបូង ទៅអ៊ុយក្រែន ចាប់តាំងពីសង្រ្គាមកើតមាននៅខែកុម្ភៈ ឆ្នាំ២០២២ កន្លងទៅ។ 

 

ក្នុងដំណើរទស្សនកិច្ចនេះ លោក​ បៃឌិន ជជែកពីការផ្តល់ជំនួយបន្ថែម យន្តហោះចម្បាំង និងអាវុធផ្សេងទៀត ទៅរដ្ឋាភិបាលក្រុងកៀវ ដើម្បីទប់នឹងការឈ្លានពានរបស់រុស្ស៊ី។

 

ស្របគ្នានេះ មន្រ្តីការទូតជាន់ខ្ពស់ចិន លោកវ៉ាង យី ត្រូវបានរំពឹងនឹងធ្វើទស្សនកិច្ចនៅក្រុងមូស្គូផង។ អ្នកនាំពាក្យវិមានក្រេមឡាំង លោក Dmitry Peskov នៅថ្ងៃទី២០ ខែកុម្ភៈ បានអះអាងថា លោកវ៉ាង អាចនឹងជួបជាមួយលោកវ្ល៉ាឌីមៀ ពូទីន ប្រធានាធិបតីរុស្ស៊ី ដើម្បីជជែកពីការស្វែងរកដំណោះស្រាយសន្តិភាពលើសង្រ្គាមដែលអូសបន្លាយរយៈពេល ១ឆ្នាំ៕