លោក ស្រី សុដា ប្រធានការិយាល័យប្រឆាំងការជួញដូរមនុស្សខេត្តកំពង់ឆ្នាំងបានបញ្ជាក់ទៀតថា ជនជាប់ចោទឈ្មោះ ង៉ែត សុខខេង ជានាយករង នៅវិទ្យាល័យមួយដែលស្ថិតក្នុងភូមិសាលាលេខ៥ឃុំអូរឫស្សី ស្រុកកំពង់ត្រឡាច ខេត្តកំពង់ឆ្នាំង ត្រូវបានប្ដឹងពីបទរំលោភសេពសន្ថវៈកាលពីថ្ងៃទី២០ ខែកុម្ភៈ។ 

 

ក្រោយការស៊ើបអង្កេត និងភស្តុតាងផ្សេងៗ ជនសង្ស័យវ័យ៤១ឆ្នាំរូបនោះត្រូវបានឃុំ និងបន្តបញ្ជូនមកតុលាការតាំងពីថ្ងៃទី២៣ ខែកុម្ភៈដើម្បីរង់ចាំការកាត់ក្ដីរបស់តុលាការ។​ «យើងបានដោះស្រាយ ស៊ើបហើយហើយឥឡូវបញ្ជូនជនសង្ស័យទៅតុលាការហើយដែរ រង់ចាំការកាត់ក្ដីរបស់តុលាការ»។ នេះជាការលើកឡើងរបស់លោក ស្រី សុដា ដែលបន្តថាក្នុងចំណោមភស្ដុតាងបញ្ជូនទៅតុលានោះ ក៏មានឃ្លីបទាក់ទងនឹងវីដេអូអាសអាភាសផ្សេងៗផងដែរ៕