ជាតិ
ពីនេះ ពីនោះ
ព័ត៍មានសុខភាព
សុខភាព
×![]()
ដោយ: សារព័ត៌មានថ្មីៗ
អ្នកស្រាវជ្រាវជនជាតិតៃវ៉ាន់ បានរកឃើញថា អ្នកជំងឺតម្រងនោម គួរតែដើរឱ្យបានច្រើន បើមិនចង់លាងឈាម ប្តូរតម្រងនោម ឬស្លាប់ទាំងក្មេងវ័យ។
វេជ្ជបណ្ឌិត ឈី យីជូ (Che-Yi Chou) បាននិយាយថា៖«ក្នុងមួយសប្តាហ៍ បើអ្នកដើរយ៉ាងតិចឱ្យបានម្តងក្នុងរយៈពេល៣០នាទី អ្នកប្រាកដជាទទួលបានលទ្ធផលគួរជាទីពេញចិត្ត ហើយវារឹតតែល្អប្រសើរបន្ថែមទៀត បើអ្នកអាចដើរបានញឹកញាប់ និងយូរជាងនេះ»។
អ្នកជំងឺដែលដើរហាត់ប្រាណ បានកាត់បន្ថយអត្រាមរណភាពរបស់ពួកគេ ដល់ទៅមួយភាគបី ក្នុងអំឡុងពេលនៃការស្រាវជ្រាវ។ ហើយមានអ្នកជំងឺតិចជាង ២១% ដែលត្រូវទទួលការលាងឈាម ឬប្តូរតម្រងនោម បើធៀបទៅនឹងអ្នកដែលមិនដើរ។
អ្នកជំងឺដើរកាន់តែច្រើន កាន់តែល្អ។ ធៀបទៅនឹងអ្នកមិនដើរ អ្នកដែលដើរលើសពី ៧ ដង ក្នុងមួយសប្តាហ៍ អត្រាស្លាប់របស់ពួកគេ មានការថយចុះដល់ទៅ ៥៩%។
អ្នកចូលចិត្តដើរមានសុខភាពល្អប្រសើរ ជាងអ្នកដែលមិនដើរ។ អ្នកដើរប្រឈមមុខតិចជាងទៅនឹងបញ្ហាសុខភាពដទៃទៀតផងដែរ ដូចជាជំងឺបេះដូង និងជំងឺទឹកនោមផ្អែម៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
6 ថ្ងៃ
