ការប្រកួតបើកឆាកក្នុងពូល G របស់ក្រុមនារី U20 កម្ពុជា ចំថ្ងៃអន្តរជាតិនារី ត្រូវធ្វើនៅកីឡដ្ឋាន Smart RSN វេលាម៉ោង ៤:០០ល្ងាច ជាមួយមីយ៉ាន់ម៉ា។ នេះ ជាលើកដំបូងក្នុងការធ្វើជាម្ចាស់ផ្ទះសម្រាប់ការប្រកួតក្នុងពូល ហើយក៏ជាការបង្ហាញខ្លួនលើកដំបូងផងដែរ សម្រាប់ក្រុមជម្រើសជាតិនារីអាយុក្រោម២០កម្ពុជា។ ដោយឡែក តាមការបញ្ជាក់ពីលោក ប្រាក់ វុទ្ធី គ្រូបង្វឹកក្រុមនារី U-20 បានបញ្ជាក់ថា កីឡាការិនីទាំងនេះ ភាគច្រើនប្រកបអាជីពក្នុងលីគកំពូលផ្នែកនារីរបស់កម្ពុជា ហើយម្យ៉ាងវិញទៀត ធ្លាប់មានបទពិសោធន៍ប្រកួតលើឆាកអន្ដរជាតិបានខ្លះដែរ។ នេះ ទំនងជាមានសង្ឃឹមច្រើនជាងក្រុមភ្ញៀវមីយ៉ាន់ម៉ា ដោយសារមិនមានការត្រៀមខ្លួនបានល្អ ព្រោះកីឡាការិនីមីយ៉ាន់ម៉ា ភាគច្រើនជាសិស្សវិទ្យាត្រូវមមាញឹកប្រឡង។ លោកស្រី SAN San Thein បានពីបញ្ហាក្នុងការត្រៀមខ្លួនដូច្នេះ។

 

ពេលទន្ទឹមគ្នានេះ ការប្រកួតក្នុងពូល A ក្រុមនារី  U-20 ចិន ត្រូវប្រកួតជាមួយ ហ្វីលីពីន នៅកីឡដ្ឋានជាតិ KM16 នៃទីក្រុងវៀងចន្ទន៍ ប្រទេសឡាវ។ លុះចូលដល់ម៉ោង ៧:៣០ យប់ នៅកីឡដ្ឋានដដែរ ក្រុមម្ចាស់ផ្ទះ ត្រូវប៉ះជាមួយ ហុងកុង។
 

ក្រុមប៉ាឡេស្ទីន ម្ចាស់ផ្ទះសម្រាប់ពូល B ស្វាគមន៍ នេបាល់ នៅកីឡដ្ឋានអន្ដរជាតិ Faisal Al-Husseini វេលាម៉ោង ៨:០០យប់។ 
 

កោះហ្គាំ ត្រូវប្រកួតជាមួយ ម្ចាស់ផ្ទះ កៀហ្ស៊ីស៊ីស្ថាន នៅកីឡដ្ឋាន Dolen Omurzakov វេលាម៉ោង ៩:០០យប់។ នេះ គឺជាប្រកួតទី២ ក្នុងពូល C របស់កោះហ្គាំ ខណៈម្ចាស់ផ្ទះគឺជាប្រកួតដំបូង។ ក្រុមភ្ញៀវនេះ បានចាញ់ អូស្ដ្រាលី យ៉ាងដំណំ ក្នុងលទ្ធផល ១៣-០ នៅកីឡដ្ឋានដដែរនេះ កាលពីថ្ងៃទី៦ ខែមីនា ឆ្នាំ២០២៣។
 

នៅវេលម៉ោង ៧:០០ យប់ លីបង់ ប្រកួតជាមួយ ប៊ូតង់ នៅកីឡដ្ឋាន Petra ប្រទេសហ្សកដានី។ លុះចូលដល់ម៉ោង១១:០០យប់ នៅក្នុងទឹកដីដដែរ ម្ចាស់ផ្ទះ ត្រូវប្រកួតជាមួយ ក្រុមភ្ញៀវ ម៉ុងហ្គោល។
 

ឆាយនីសតៃប៉ិក ជួបជាមួយ តាជីគីស្ថាន នៅម៉ោង ៤:៣០ល្ងាច នៅកីឡដ្ឋាន Buriram ប្រទេសថៃ ចំណែក ក្រុមថៃ ត្រូវស្វាគមន៍ អ៊ូសបេគីស្ថាន នៅម៉ោង ៨:៣០យប់។
 

តូមិននីស្ថាន ត្រូវជួបជាមួយ អ៊ឺរ៉ង នៅកីឡដ្ឋាន Bir Sherestha Mostafa Kamal នៃប្រទេសបង់ក្លាដេស វេលាម៉ោង ៦:០០ល្ងាច៕