ដុកឌឿ៖ ជាសត្វមួយប្រភេទ ដែលត្រូវបានគេយកច្នៃធ្វើអាហារសម្រាប់បរិភោគ។ អាហារប្រភេទនេះពេញនិយម និងត្រូវបានដាក់លក់នៅតាមទីសាធារណៈមួយចំនួន។ ដុកឌឿជាខ្លួនដង្កូវនាង ដែលបញ្ចេញសូត្រអស់ពីខ្លួនហើយក្លាយទៅជាបែបនេះ។ ពលរដ្ឋនិយម យកវាលីងដើម្បីបរិភោគ។
 

ដួង៖ ដូង ត្រូវបានចែកចេញជាពីរ គឺដួងនៅក្នុងធម្មជាតិរស់នៅតាមចុងសោម  និងមួយប្រភេទទៀតជាដួងចិញ្ចឹមក្នុងកសិដ្ឋាន។  សម្រាប់សត្វដូងនាពេលបច្ចុប្បន្នមានពលរដ្ឋស្គាល់ច្រើន បើធៀបទៅ១០ ឆ្នាំមុន។ សត្វប្រភេទនេះគេអាចបរិភោគឆៅ ឬឆ្អិនក៏បាន។  
 

កំពកត្រណម៖ សត្វប្រភេទនេះ អាចមានពលរដ្ឋតិចណាស់ដែលបានស្គាល់ និងបានភ្លក់រសជាតិរបស់វា ដោយសារសត្វប្រភេទនេះរស់នៅតាមតំបន់ភ្នំ និងបង្កើតកូនបាននៅពេលមានលាមកសត្វទន្សោង ខ្ទីង ប៉ុណ្ណោះ។ ជាធម្មតាវាត្រូវការរយៈពេលចន្លោះពី៣ទៅ៥ខែដើម្បីអាចធ្វើឱ្យកូនរបស់វាពេញរូបរាងនិងអាចចេញមកក្រៅដីបាន។ សត្វនេះស៊ីឈើជាអាហារ។ កំពកត្រណមនេះ ភាគច្រើនមិនសូវមានពលរដ្ឋស្គាល់ទេ ដោយសារមិនសម្បូរប្រភេទសត្វព្រៃដូចជាទន្សោង ខ្ទីងនៅតាមព្រៃដូចកាលពីមុន។ កំពកត្រណម គេអាចយកបំពង ជាអាហារ៕