លោក Yoshikazu Higashitani ដែលជាតារាតាមបណ្ដាញសង្គម YouTube ម្នាក់ មិនដែលបង្ហាញមុខម្ដងឡើយក្នុងកិច្ចប្រជុំសភាជាន់ខ្ពស់ជប៉ុន ចាប់តាំងពីជាប់ឆ្នោតនៅឆ្នាំ២០២២។ កាលពីខែមីនា លោកក៏ត្រូវបានកោះហៅដើម្បីសុំទោសចំពោះអវត្តមាននេះ តែក៏នៅតែមិនបានបង្ហាញមុខដដែល ព្រោះនៅឯបរទេស។ 

 

កន្លងមក លោក Higashitani ក៏ធ្លាប់ផ្ញើសារសុំទោសជាវីដេអូដែរ ប៉ុន្តែត្រូវបានបដិសេធ។ ការបណ្ដេញចេញ ជាទោសធ្ងន់បំផុតសម្រាប់ការដាក់វិន័យសមាជិកសភានៅជប៉ុន។

 

លោក Higashitani ជាសមាជិកបក្ស NHK ដែលតែងរិះគន់ប្រព័ន្ធផ្សព្វផ្សាយសាធារណៈ NHK ផ្ទាល់។ ប៉ុន្តែបក្សបានផ្លាស់ប្ដូរឈ្មោះជារឿយៗ ហើយចុងក្រោយប្ដូរទៅជាបក្ស Seijika Joshi 48 វិញ៕