វគ្គបណ្ដុះបណ្ដាលដែលប្រព្រឹត្តទៅរយៈពេលមួយថ្ងៃនេះ ជា​ការ​ចែករំលែក​បទពិសោធន៍​​ប្រចាំថ្ងៃ​​របស់ក្រុម​ការងារ​សារព័ត៌មាន​ឌីជីថលថ្មីៗដែលមាន​គេហទំព័រព័ត៌មាន ThmeyThmey, ThmeyThmey25 និង Cambodianess ជាភាសាអង់គ្លេស។

 

ប្រធានបទសំខាន់ៗដែលក្រុម​ការងារ​បាន​ចែក​រំលែក​ដល់​និស្សិត​ក្នុងខេត្ត​សៀមរាប ជាង​៤០នាក់​នោះ មាន​ដូចជា  ឥទ្ធិពលនៃព័ត៌មាន, ការពារ និងទប់ស្កាត់ការផ្សាយព័ត៌មានមិនពិត, ប្រុងប្រយ័ត្នព័ត៌មានផ្សេងៗពាក់ព័ន្ធនឹងការបោះឆ្នោត, អក្ខរកម្មប្រព័ន្ធផ្សព្វផ្សាយ និងព័ត៌មាន, ហេតុអ្វីការផលិតព័ត៌មានតាមទូរស័ព្ទដៃ(MoJo)មានសារសំខាន់? និងការណែនាំពីការទាញយកកម្មវិធីទូរស័ព្ទសម្រាប់ផលិត MoJo។ 

 

បន្ទាប់ពីបញ្ចប់វគ្គបណ្ដុះបណ្ដុះ កញ្ញា ផាត វិច្ឆិកា​ ជាអ្នកចូលរួមនិងជានិស្សិតជំនាញព័ត៌មានវិទ្យាលើកឡើងថា វគ្គបណ្ដុះបណ្ដាលនេះបានផ្ដល់ចំណេះដឹងដល់កញ្ញាបន្ថែម ពាក់ព័ន្ធនឹងព័ត៌មានពិត និងព័ត៌មានមិនពិតក្នុងបណ្ដាញសង្គម។ យុវតីវ័យ២១ឆ្នាំរូបនេះបន្ថែមទៀតថា បន្ទាប់ពីវគ្គបណ្ដុះបណ្ដាលនេះខ្លួនក៏កាន់តែប្រុងប្រយ័ត្ន និងពិចារណាមុនការចែករំលែកព័ត៌មានបន្តនៅក្នុងបណ្ដាញសង្គម។