ភ្នំពេញ៖ លោក ឡន វណ្ណា អ្នកសារព័ត៌មាន PNN ប្រចាំខេត្តស្ទឹងត្រែង បានទទួលមរណភាពកាលពីថ្ងៃទី២៤ ខែមីនា ក្រោយជួបឧបទ្ទវហេតុ ធ្លាក់ចូលអណ្ដូងជម្រៅជ្រៅ ស្ថិតក្នុងភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី។

 

លោក ប៉ែន បូណា និពន្ធនាយកទូរទស្សន៍ PNN បានប្រាប់សារព័ត៌មានថ្មីៗថា លោក ឡន វណ្ណា បានជួបឧបទ្ទវហេតុធ្លាក់ចូលអណ្ដូងតាំងពីថ្ងៃទី២២ ខែមីនា ហើយត្រូវបានបញ្ជូនទៅមន្ទីរពេទ្យប្រទេសវៀតណាម ប៉ុន្តែដោយសារធ្ងន់ធ្ងរ ទើបមិនអាចសង្រ្គោះបាន។
 

«នេះជាព័ត៌មានបឋមដែលខ្ញុំទទួលបាន។ ហើយខ្ញុំកំពុងធ្វើដំណើរទៅចូលរួមពិធីបុណ្យសពគាត់នៅខេត្តស្ទឹងត្រែង»។ នេះជាការលើកឡើងរបស់លោក បូណា៕