ទំព័រហ្វេសប៊ុក Dr. Beat Richner បានឲ្យដឹងទៀតថា ក្នុងចំណោមទារកដែលមានជំងឺធ្ងន់ធ្ងរបំផុត មានទារក៧០ភាគរយ ដែលត្រូវបានបញ្ជូនមកពីគ្លីនិកឯកជន រួមទាំងមន្ទីរពេទ្យរដ្ឋ ដូចជា មណ្ឌលសុខភាព និងមន្ទីរពេទ្យបង្អែក។ តាមរយៈទំព័រហ្វេសប៊ុក Dr. Beat Richner មន្ទីរពេទ្យគន្ធបុប្ផា បានបង្ហាញការលះបង់របស់បុគ្គលិកនៃមន្ទីរពេទ្យគន្ធបុប្ផាខេត្តសៀមរាប ក្នុងការខិតខំបំពេញការងារទាំងយប់ថ្ងៃ ដោយមិនខ្លាចនឿយហត់ និងប្រកបដោយវិជ្ជាជីវៈ។ មន្ទីរពេទ្យគន្ធបុប្ផា បានអរគុណដល់ពួកគេ។ 

 

ជាមួយគ្នានេះ មន្ទីរពេទ្យគន្ធបុប្ផា ថែមទាំងអរគុណដល់ក្រុមគ្រូពេទ្យនៃមន្ទីរពេទ្យគន្ធបុប្ផាភ្នំពេញ ដែលបានសង្គ្រោះជីវិតទារក និងអរគុណដល់សប្បុរសជនគ្រប់រូប ដែលតែងតែគាំទ្រដល់ដំណើរការមន្ទីរពេទ្យគន្ធបុប្ផា។ រាល់ការព្យាបាលទាំងអស់នៅមន្ទីរពេទ្យគន្ធបុប្ផា គឺឥតគិតថ្លៃ៕