ជាតិ
ពីនេះ ពីនោះ
ព័ត៍មានសុខភាព
សុខភាព
×![]()
ដោយ: សារព័ត៌មានថ្មីៗ
ពួកយើងមួយចំនួនឆ្លងកាត់វេលា រវល់ធ្វើនេះ ធ្វើនោះថ្ងៃត្រង់ ហើយពុំសូវបានគិតអំពីការគេង រហូតដល់ម៉ោងទើបទៅគេងតែម្តង។ មនុស្សមួយចំនួនមានបញ្ហាក្នុងការគេងឱ្យបានលក់លឿន មួយចំនួនទៀតមានអារម្មណ៍ថាឈឺក្បាល នៅពេលដាក់ក្បាលគេងនៅលើខ្នើយ ពោលគឺទម្រាំគេងលក់ ត្រូវប្រើវេលាមួយស្របក់ធំ ត្រឡប់ទៅនេះ ត្រឡប់ទៅនោះ។
ដើម្បីឱ្យអ្នកគេងបានល្អ និងលឿន អ្នកត្រូវរៀបចំខ្លួន និងចូលគេងតាមទម្លាប់ឱ្យបានត្រឹមត្រូវ។ ខាងក្រោមនេះជាជំនួយខ្លះ ដែលអាចជួយឱ្យអ្នកគេងលក់បានលឿន៖
-ចំណាយពេលធ្វើលំហាត់ប្រាណពេលព្រឹកព្រលឹម ឬក៏ពេលល្ងាច ព្រោះការលំហាត់ប្រាណអាចជួយបំបាត់ការឈឺចាប់ នៅក្នុងរាងកាយបាន ក្នុងនោះក៏មានការបំបាត់ការគេងមិនលក់ដែរ។ ការចំណាយពេលពី ២០ ទៅ៣០នាទី ហាត់កីឡាជារៀងរាល់ថ្ងៃ ពិតអាចបំបាត់កង្វល់ការគេងមិនលក់បាន។
-គ្រប់គ្រងភាពតានតឹង ពីព្រោះវាអាចកំចាត់ភាពលំបាកចិត្ត និងការគិតមមៃបានដែលមានក្នុងខ្លួនរបស់អ្នក។ ដើម្បីកាត់បន្ថយភាពតានតឹង អ្នកអាចចេញដើរលំហែខួរក្បាល នៅខាងក្រៅម្នាក់ឯង ឬជាក្រុម ស្តាប់ចម្រៀង គូរគំនូរ មើលទូរទស្សន៍ និងធ្វើអ្វីៗជាច្រើនទៀតដែលអាចចូលចិត្ត។
-គេងពេលថ្ងៃប្រសិនជាអ្នកត្រូវការវា។ ការគេងពេលថ្ងៃមួយស្របក់អាចផ្តល់កម្លាំង ធ្វើឱ្យខួរក្បាលស្រឡះ សម្រាប់ធ្វើអ្វីនៅពេលរសៀល និងល្ងាច។ ប៉ុន្តែត្រូវប្រាកដថា អ្នកគេងមិនឱ្យលើសរយៈពេល៣០នាទី។ ធ្វើដូច្នេះវានឹងមិនអាចប៉ះពាល់ដល់ការគេងពេលយប់ របស់អ្នកនោះទេ។
-ញាំអាហារដែលផ្តល់សុខភាពល្អ និងមានទម្លាប់ល្អក្នុងការញាំ។ មនុស្សមួយចំនួនចូលចិត្តញាំអាហារពេលល្ងាចច្រើន ហើយសម្រាប់អ្នកវិញ គួរតែញាំឱ្យមានទម្លាប់ល្អ គឺញាំកុំឱ្យតិចពេក ឬក៏ច្រើនជ្រុល។ ការញាំអាហារនេះដែរ អ្នកគួរតែញាំឱ្យបានមុនពីរម៉ោង មុនពេលចូលគេង ពីព្រោះការធ្វើបែបនេះ វានឹងមិនប៉ះពាល់ដល់ការរំលាយអាហារ និងការគេងរបស់អ្នក។ ជាងនេះទៅទៀត ដើម្បីគេងឱ្យបានលក់ស្រួល និងលឿន អ្នកគួរចៀងវាងញាំកាហ្វេ និងជាតិស្រវឹងជាដើម។
-បង្កើតទម្លាប់គេង ដោយធ្វើការរៀបចំខ្លួនមុនពេលគេង ចូលគេង និងភ្នាក់ឡើងឱ្យបានទៀងពេល ពីព្រោះវាអាចជួយឱ្យអ្នកឆាប់គេងលក់ និងគេងលក់បានយូរ។ បិទអគ្គិសនីក្នុងបន្ទប់គេង និងរក្សាសីតុណ្ហភាពក្នុងបន្ទប់កុំឱ្យក្តៅ។
-ចេញក្រៅយកពន្លឺពេលព្រឹក អាចឱ្យកោសិកាក្នុងខ្លួនអ្នកភ្ញាក់ និងធ្វើការទៀងទាត់។ ពន្លឺព្រះអាទិត្យចន្លោះពេលព្រឹករហូតដល់ម៉ោង៨ព្រឹក។
ត្រួតពិនិត្យដោយ៖ www.health.com.kh
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
