សម្តេច ហ៊ុន សែន ណែនាំឱ្យច្រៀង «បទនគររាជ» ផ្ទាល់មាត់ ពេលគោរពទង់ជាតិ

ជាតិ

សង្គមជាតិ

សម្តេច ហ៊ុន សែន ណែនាំឱ្យច្រៀង «បទនគររាជ» ផ្ទាល់មាត់ ពេលគោរពទង់ជាតិ

03, Apr 2023 , 6:59 pm

រូបភាព

សិស្សវិទ្យាល័យក្រឡាញ់គោរពទង់ជាតិ។ រូបថតពីឆ្នាំ២០១៩ ដោយអ៊ូ សុខសាន្ត

ដោយ: រួបរួម

នាពិធីសម្ពោធដាក់ឱ្យប្រើប្រាស់មន្ទីរពេទ្យបង្អែក ស្រុកក្រូចឆ្មារ ខេត្តត្បូងឃ្មុំ ព្រឹកថ្ងៃទី៣ ខែមេសា សម្តេចនាយករដ្ឋមន្ត្រី ហ៊ុន សែន បានណែនាំថា គ្រប់សាលាត្រូវចាប់ផ្តើមឱ្យសិស្សច្រៀងបទគោរពទង់ជាតិដោយផ្ទាល់ ជាជាងការប្រើប្រាស់គ្រឿងម៉ាស៊ីនចាក់។

ប្រមុខរដ្ឋាភិបាល បានរំលឹកថា សម្តេចធ្លាប់ជួបបញ្ហាពេលគោរពទង់ជាតិ ជាក់ស្តែងកាលពីអំឡុងឆ្នាំ១៩៨២ នាស្រុកក្រូចឆ្មារផ្ទាល់ ដោយដល់ពេលគោរពទង់ជាតិ បែរជាចេញបទ «ឱស្នេហ៍មាសបង» ជំនួសឱ្យបទ «នគររាជ» ទៅវិញ។ សម្តេចបានបន្ថែមថា ការពឹងផ្អែកលើគ្រឿងម៉ាស៊ីន ពិតជាពិបាក ដូចករណីពិធីបិទសន្និបាតនៅក្រសួងដែនដី នគររូបនីយកម្មរបស់លោកឧបនាយករដ្ឋមន្ត្រី ជា សុផារ៉ា ក៏ធ្លាប់ជួបករណីចាក់ភ្លេងមិនចេញផងដែរ។

«អ៊ីចឹងទេ បើសិនជាគ្រប់សាលាទាំងអស់ ចាប់ផ្តើមឱ្យកូនសិស្សគោរពទង់ជាតិ រួចហើយគឺឱ្យច្រៀងផ្ទាល់តែម្តង ទាហានប្រជុំជួរ ក៏ត្រូវធ្វើបែបហ្នឹង ដើម្បីបង្ហាត់ឡើងវិញ។ នេះជារឿងមួយដែលយើងគួរធ្វើ»។ នេះជាការណែនាំរបស់សម្តេច ហ៊ុន សែន ដោយបានលើកឡើងពីអត្ថន័យដ៏ល្អនៃបទនគររាជ។

សម្តេចបានបញ្ជាក់ផងដែរថា ចម្រៀងដែលនិពន្ធដោយសម្ដេចព្រះមហាសង្ឃរាជ ជួន ណាត នេះ មិនអាចយកទៅច្រៀងទាំង៣វគ្គនាពេលគោរពទង់ជាតិនោះឡើយ ពោលគឺច្រៀងតែមួយវគ្គប៉ុណ្ណោះ។ សម្តេចបានរំលឹកថា សម្តេចធ្លាប់ទៅប្រទេសមួយ ដោយភ្លេចប្រាប់ថា ភ្លេងជាតិខ្មែរចាក់តែមួយវគ្គ ស្រាប់តែក្នុងពិធីត្រួតពល កងកិត្តិយសនៃប្រទេសនោះ ចាក់រហូតដល់ទៅ៣វគ្គ ដែលធ្វើឱ្យសម្តេចចង់ទន់ជង្គង់។

បទនគររាជ

១~ សូមពួកទេព្តា រក្សាមហាក្សត្រយើង

ឲ្យបានរុងរឿង ដោយជ័យមង្គល សិរីសួស្តី

យើងខ្ញុំព្រះអង្គ សូមជ្រកក្រោមម្លប់ ព្រះបារមី

នៃព្រះនរបតី វង្សក្សត្រាដែលសាងប្រាសាទថ្ម

គ្រប់គ្រងដែនខ្មែរ បុរាណថ្កើងថ្កាន ។

២~ ប្រាសាទសិលា កំបាំងកណ្តាលព្រៃ

គួរឲ្យស្រមៃ នឹកដល់យសស័ក្តិ មហានគរ

ជាតិខ្មែរដូចថ្ម គង់វង្សនៅល្អ រឹងប៉ឹងជំហរ

យើងសង្ឃឹមពរ ភ័ព្វព្រេងសំណាងរបស់កម្ពុជា

មហារដ្ឋកើតមាន យូរអង្វែងហើយ ។

៣~ គ្រប់វត្តអារាម ឮតែសូរស័ព្ទធម៌