គ្រឿងឥស្សរិយយស ដែលបានផ្តល់ជូនថ្នាក់ដឹកនាំនិងសមាជិក-សមាជិការដ្ឋសភា រួមមាន គ្រឿងឥស្សរិយយសជាតូបការ គ្រឿងឥស្សរិយយសថ្នាក់មហាសេរីវឌ្ឍន៍ គ្រឿងឥស្សរិយយសថ្នាក់មហាសេនា គ្រឿងឥស្សរិយយសថ្នាក់ធិបឌិន្ទ និងគ្រឿងឥស្សរិយយសថ្នាក់សេនា ជាអាទិ៍។

 

ចាប់តាំងឆ្នាំ២០១៨ ដែលជាដើមនីតិកាល រហូតដល់មីនា ឆ្នាំ២០២៣ ដែលជាចុងនីតិកាល  រដ្ឋសភាក្នុងនីតិកាលទី៦នេះ បានអនុម័តច្បាប់ជាង១០០។ តាមរយៈសំណេរលើបណ្តាញសង្គម រដ្ឋសភា បានសរសើរថ្នាក់ដឹកនាំ និងសមាជិក-សមាជិកាខ្លួនថា ក្រៅពីការតាក់តែងច្បាប់ ពួកគាត់ ថែមទាំងខិតខំអស់ពីកម្លាំងកាយចិត្ត ក្នុងការចុះសួរសុខទុក្ខប្រជាពលរដ្ឋនៅតាមមណ្ឌល និងបានយកក្តីកង្វល់របស់ប្រជាពលរដ្ឋ ទៅដោះស្រាយតាមនីតិវិធីបានយ៉ាងល្អ។ 

 

សូមរម្លឹកថា តំណាងរាស្រ្តទាំង១២៥រូប ក្នុងនីតិកាលទី៦នេះ សុទ្ធតែមកពីគណបក្សប្រជាជនកម្ពុជាទាំងអស់។ ការបោះឆ្នោតជ្រើសតាំងតំណាងរាស្រ្តនីតិកាលទី៧ ដែលជានីតិកាលថ្មី នឹងមកដល់នៅថ្ងៃទី២៣ ខែកក្កដា ឆ្នាំ២០២៣៕