សេចក្តីប្រកាសព័ត៌មានរបស់ក្រសួងការបរទេស និង សហប្រតិបត្តិការអន្តរជាតិ បានបញ្ជាក់ថា​ ការផ្តល់ឥណទាននេះ​ នឹងត្រូវចុះហត្ថលេខាដោយលោក ប្រាក់ សុខុន​ រដ្ឋមន្រ្តីការបរទេស​ និងសហប្រតិបត្តិការអន្តរជាតិ ជាមួយលោក ​​UENO Atsushi ឯកអគ្គរាជទូតជប៉ុនប្រចាំកម្ពុជា នៅទីស្តីការក្រសួង នាថ្ងៃទី១០មេសា។​

 

ការផ្តល់ឥណទានពីរដ្ឋាភិបាលជប៉ុននេះ នឹងជាចំណែកដល់ការអភិវឌ្ឍសេដ្ឋកិច្ច-សង្គមជាបន្តបន្ទាប់ របស់រដ្ឋាភិបាលកម្ពុជា ព្រមទាំពង្រឹងបន្ថែមនូវទំនាក់ទំនងដ៏ល្អប្រពៃ និងកិច្ចសហប្រតិបត្តិការ ដែលលូតលាស់លើគ្រប់វិស័យ​ រវាងប្រទេសទាំងពីរ៕