ទស្សនកិច្ចរបស់ប្រមុខការទូតអាម៉េរិក អាន់តូនី ប្លីងខិន នៅវៀតណាម ទំនងជាកើតឡើងនៅចុងសប្ដាហ៍ក្រោយ មុនពេលលោកបន្តដំណើរទៅទឹកដីជប៉ុនដើម្បីចូលរួមប្រជុំរដ្ឋមន្រ្តីការបរទេសក្រុមប្រទេស G7 ដែលធ្វើនៅថ្ងៃទី១៦-១៨ ។

 

វត្តមានលោក ប្លីងខិន ជាផ្នែកមួយនៃកិច្ចប្រឹងប្រែងរបស់អាម៉េរិកក្នុងការដំឡើងកម្រិតទំនាក់ទំនងជាមួយវៀតណាមនៅឆ្នាំ២០២៣ ដែលជាខួប១០ឆ្នាំនៃការបង្កើតទំនាក់ទំនងគ្រប់ជ្រុងជ្រោយ។ 

 

ដំណើររបស់លោក ប្លីងខិន ទៅហាណូយ នឹងធ្វើឡើងបន្ទាប់ពីប្រធានាធិបតីអាម៉េរិក ចូ បៃឌិន ជជែកតាមទូរស័ព្ទជាមួយអគ្គលេខាធិការបក្សកុម្មុយនីស្តវៀតណាម ង្វៀន ភូជុង កាលពីសប្ដាហ៍មុន។ ភាគីទាំង២ ក៏ឯកភាពគ្នាជំរុញទំនាក់ទំនងបន្ថែមទៀត។

 

ដ្បិតជាទីផ្សារធំជាងគេវៀតណាម អាម៉េរិក មិនស្ថិតក្នុងចំណោមដៃគូសំខាន់របស់ទីក្រុងហាណូយឡើយ។ ចិន រុស្ស៊ី ឥណ្ឌា និងកូរ៉េខាងត្បូង ជាដៃគូចម្បងក្នុងក្រុមទី១ ឯក្រុមទី២ មានសហភាពអឺរ៉ុប និងជប៉ុន ។ អាម៉េរិកមានបំណងក្លាយជាដៃគូលំដាប់ទី២នេះ៕