លោក Jan-Christian Gordon Kricke ដែលជាអគ្គរដ្ឋទូតអាល្លឺម៉ង់ប្រចាំឆាដចាប់តាំងពីឆ្នាំ២០២១មក មានពេល៤៨ម៉ោងដើម្បីចាកចេញ។ លិខិតប្រកាសរបស់ក្រសួងគមនាគមន៍ឆាដ មិនបានបញ្ជាក់មូលហេតុច្បាស់លាស់ឡើយ។

 

ក្រសួងការបរទេសអាល្លឺម៉ង់ ក៏មិនទាន់អាចបញ្ជាក់ពីមូលហេតុដែរ ហើយបន្តទំនាក់ទំនងជាមួយរដ្ឋាភិបាលឆាដជុំវិញរឿងនេះ។ អ្នកនាំពាក្យម្នាក់ប្រាប់ប្រព័ន្ធផ្សព្វផ្សាយ DW បែបនេះ។

 

យ៉ាងណាមិញ ប្រភពពីរដ្ឋាភិបាលឆាដប្រាប់ទីភ្នាក់ងារព័ត៌មាន AFP ថា លោក Kricke លូកលាន់កិច្ចការផ្ទៃក្នុងឆាដខ្លាំងពេក ហើយធ្វើអធិប្បាយមិនសមរម្យ។ រដ្ឋាភិបាលយោធាឆាដ ក៏ព្រមានអ្នកការទូតរូបនេះច្រើនដងដែរ។

 

ឆាដដែលនៅទ្វីបអាហ្វ្រិក ស្ថិតក្រោមការគ្រប់គ្រងដោយរដ្ឋាភិបាលចាប់តាំងពីខែមេសា ឆ្នាំ២០២១ មក។ ប្រធានាធិបតី​ Mahamat Idriss Deby Itno ធ្លាប់សន្យាផ្ទេរអំណាចឱ្យស៊ីវិលវិញ តែពន្យារពេល២ឆ្នាំទៀត៕