ជាផ្នែកមួយនៃកិច្ចចរចាទៀងទាត់ដែលបានចាប់ផ្តើមនៅក្នុងឆ្នាំ២០១២ កិច្ចប្រជុំនេះធ្វើឡើងស្រប ចិនបានបញ្ជូននាវាចម្បាំង និងនាវាដឹកយន្តហោះចម្បាំង ដើម្បីធ្វើសមយុទ្ធបង្ហាញសាច់ដុំដាក់តៃវ៉ាន់ បន្ទាប់ពីលោកស្រីប្រធានាធិបតី Tsai Ing-wen បានជួបជាមួយប្រធានសភាតំណាងអាមេរិកលោក Kevin McCarthy ។

 

មុនពេលកិច្ចពិភាក្សានេះ ប្រធានគណៈប្រតិភូចិនលោក Hong Liang បាននិយាយថា លោកកំពុងស្វែងរកកិច្ចសហប្រតិបត្តិការនៅក្នុងតំបន់ដែនសមុទ្រជាមួយជប៉ុន ហើយរំពឹងថានឹងមានកិច្ចសន្ទនាស៊ីជម្រៅជាមួយសមភាគីនេះផងដែរ។

 

លោក​ Hong ដែលជាមន្ត្រីជាន់ខ្ពស់ចិន និងជាអគ្គនាយកកិច្ចការព្រំដែន និងមហាសមុទ្រក្នុងក្រសួង ការបរទេស បានចូលរួមក្នុងកិច្ចប្រជុំខាងលើ ខណៈភាគីជប៉ុនដឹកនាំដោយអគ្គនាយកទទួល បន្ទុកកិច្ចការអាស៊ី និងមហាសមុទ្រលោក Takehiro Funakoshi ។

 

នៅក្នុងកិច្ចប្រជុំចុងក្រោយកាលពីខែវិច្ឆិកា លោក Hong បានរិះគន់ទីក្រុងតូក្យូចំពោះការ អត្ថាធិប្បាយអំពីសកម្មភាពរបស់ចិននៅច្រកសមុទ្រតៃវ៉ាន់។ លោកក៏បានស្នើឱ្យជប៉ុនដក នាវារបស់ខ្លួនត្រឡប់ទៅវិញពីដែនទឹកនៅជុំវិញប្រជុំកោះ ក្នុងសមុទ្រចិនខាងកើតដែលប្រទេសទាំងពីរអះអាងជារបស់ខ្លួន៕