ត្រង់ចំណុចនេះ សម្ដេច ហ៊ុន សែន បានបញ្ជាក់ថា ការគិតជាភាគរយនៃចំនួនប្រជាជននេះ គឺវាបង្ហាញពីភាពស្មើគ្នា រវាងប្រទេសមានចំនួនប្រជាជនច្រើន និងប្រទេសមានប្រជាជនតិច។ ក្នុងន័យនេះសម្ដេច បានពន្យល់ថា កម្ពុជា បានបំបែកកំណត់ត្រាបេះដូងច្រើនជាងគេលើពិភពលោក ដោយបត់បេះដូងក្រដាសបានជិត៤លាន ។ ដូច្នេះប្រទេសដែលមានប្រជាជនច្រើន ដូចអាម៉េរិក និងឥណ្ឌូណេស៊ី អាចមានលទ្ធភាពបំបែកកំណត់ត្រានេះបាន។ ប៉ុន្តែបើចង់ឱ្យមានភាពស្មើគ្នានោះ ទាល់តែ Gunness World Record ពិនិត្យមើលលើការបំបែកកំណត់ត្រានោះ ថាតើការបត់បេះដូងនេះ បានប៉ុន្មានភាគរយនៃចំនួនប្រជាជនសរុប? ។ នេះបើតាមសម្ដេច ហ៊ុន សែន ដែលបានបន្ថែមថា បេះដូងដែលកម្ពុជា បត់បានជិត៤លាននេះ ស្មើជាង២០ភាគរយ បើធៀបនឹងចំនួនប្រជាជនជាង១៦លាននាក់។