ការតុបតែងផ្ទះនៅថ្ងៃចូលឆ្នាំខ្មែរ របស់ពលរដ្ឋ នៅរាជធានីភ្នំពេញ។ រូបភាព៖ អ្នកស្រី សេង ចាន់ពិសី។

លោក សង្កត់ធ្ងន់បែបនេះ៖ « ខ្មែរយើងមានល្បែង របាំច្រើនប្រភេទ ច្រើនទម្រង់ណាស់។ កាលពីមុនពេលខ្ញុំនៅកុមារឃើញមានអ្នកលេងល្បែងប្រជាប្រិយច្រើន ប៉ុន្ដែបច្ចុប្បន្ន នេះកម្រឃើញ។ កុំថាឡើយនាំគ្នាលេងមុន១ខែ សូម្បីតែដល់ថ្ងៃចូលឆ្នាំហើយ ក៏គ្មានអ្នកអើពើ។ ដូច្នេះឪពុកម្ដាយ អ្នកគ្រប់គ្រងកម្មវិធីនានា រួមទាំងវត្តអារាមគួរចាប់ផ្ដើមរៀបចំផែនការ និងទីតាំង ឱ្យសកម្មភាពនៃការលេងល្បែងប្រជាប្រិយរបស់ខ្មែរនិយមឡើងវិញ»។ 
 

លោកបានបន្ថែមថា បើធៀបគ្នារវាងចូលឆ្នាំកាលពីសម័យមុន និងសម័យបច្ចុប្បន្ននោះ ល្បែងប្រជាប្រិញខ្មែរ បានបាត់បង់លើសពាក់កណ្ដាលឯណោះ។ តែយ៉ាងណាលោកសាស្ត្រាចារ្យ ជឿជាក់ថា ការចូលរួមលើកយកល្បែងប្រជាប្រិយខ្មែរមកលេងឡើងវិញជាបន្តបន្ទាប់នេះ នឹងអាចធ្វើឱ្យពលរដ្ឋខ្មែរ ជាពិសេសយុជនស្វែងយល់ ចូលរួម លេង និងបន្តអភិរក្សវប្បធម៌របស់ជាតិ។ 
 

បើតាមលោក មាណ្ណារ៉ា ក្នុងពិធីចូលឆ្នាំខ្មែរ មានល្បែងជាច្រើន ដែលអាចយកមកលេងបាន ដោយមិនចាំបាច់ចម្លងតាមប្រទេសដទៃ  ដែលធ្វើឱ្យតម្លៃរបស់ជាតិខ្មែរធ្លាក់ចុះឡើយ។ លោក ក៏ជំរុញឱ្យយុវជនស្គាល់ពីល្បែង និងតម្លៃវប្បធម៌ខ្លួនឱ្យច្រើន និងច្បាស់ ដើម្បីចូលរួមការពារ កុំឱ្យបាត់បង់៕