តាមរយៈសេចក្តីប្រកាសរបស់ CAMSOC នៅថ្ងៃទី២៥ ខែមេសា គោលដៅនៃការហាមប្រាមមិនឱ្យមានការថតរូប-វីដេអូ ហាត់សម ត្រៀមពិធីបើក-បិទ ស៊ីហ្គេមលើកទី៣២ ដើម្បីរក្សាសុខសុវត្ថិភាព សណ្តាប់ធ្នាប់ និងកម្មសិទ្ធិបញ្ញារបស់ពិធីបើក-បិទព្រឹត្តិការណ៍ប្រចាំប្រវត្តិសាស្ត្ររបស់កម្ពុជា នៅពហុកីឡដ្ឋានជាតិមរតកតេជោ។


 

លើសពីនេះ CAMSOC បានអនុញ្ញាតឱ្យតែអ្នកហ្វឹកហាត់សម្តែង និងក្រុមជំនួយការហ្វឹកហាត់សម្តែងប៉ុណ្ណោះអាចចូលក្នុងពហុកីឡដ្ឋានជាតិមរតកតេជោ អំឡុងពេលហ្វឹកហាត់សមនោះ។

ពិធីបើកព្រឹត្តិការណ៍កីឡាស៊ីហ្គេមលើកទី៣២ នឹងប្រព្រឹត្តទៅនៅថ្ងៃទី៥ ខែឧសភា ឆ្នាំ២០២៣ ពោលគឺនៅសល់ត្រឹម១០ថ្ងៃទៀតប៉ុណ្ណោះ គិតត្រឹមថ្ងៃទី២៥ ខែមេសានេះ៕