ជាតិ
សាលាកសិកម្ម ចំនួន៣ រួមគ្នាជាមួយវិស័យឯកជន លើការបង្កាត់ពូជគោសិប្បនិមិ្មត និងចិញ្ចឹមគោយកទឹកដោះ
×
ដោយ៖ ទូច សូរិយា
ភ្នំពេញ៖ សាលាកសិកម្មចំនួន៣ បានចុះអនុស្សរណៈនៃការយោគយល់គ្នា (MOU)ជាមួយវិស័យឯកជន ក្នុងការបង្កាត់ពូជគោសិប្បនិម្មិត និងចិញ្ចឹមគោយកទឹកដោះ កាលពីថ្ងៃទី ២៧ ខែ មេសា។ ការចុះMOU នេះ នឹងជួយលើកដើម្បីលើកស្ទួយវិស័យកសិកម្ម និងសេដ្ឋកិច្ចកម្ពុជាឱ្យកាន់តែរីកចម្រើន។
សកលវិទ្យាល័យភូមិន្ទកសិកម្ម វិទ្យាស្ថានជាតិកសិកម្មព្រែកលៀប និងវិទ្យាស្ថានជាតិកសិកម្មកំពង់ចាម ជាមួយ កសិដ្ឋាន អាយ សេវេន រេនថ៍ (ខេមបូឌា) បានចុះអនុស្សរណៈនៃការយោគយល់គ្នា (MOU) ក្នុងការបង្កាត់ពូជគោសិប្បនិម្មិត និងចិញ្ចឹមគោយកទឹកដោះ។
លោក ង៉ោ ប៊ុនថាន នាយកសាកលវិទ្យាល័យភូមិន្ទកសិកម្ម បានថ្លែងថា MOU នេះមានសារៈសំខាន់ណាស់ក្នុងការបង្កាត់ពូជគោសិប្បនិម្មិត និងចិញ្ចឹមគោយកទឹកដោះ ដើម្បីជួយលើកស្ទួយវិស័យកសិកម្ម និងសេដ្ឋកិច្ចកម្ពុជាឱ្យកាន់តែរីកចំរើន ។
លោក ស្រី ចន្ធូរ នាយកប្រតិបត្តិក្រុមហ៊ុន អាយ សេវេន រេនថ៍ បានលើកឡើងថា ការបង្កាត់គោសិប្បនិម្មិត គោ០១ក្បាល អាចផលិតបានគោ ៥០ក្បាលក្នុងមួយឆ្នាំ។ ជាមួយគ្នានេះ ការចុះអនុស្សរណៈនៃការយោគយល់គ្នាជាមួយក្រសួងកសិកម្ម នឹងជួយបង្កើនធនធានមនុស្ស និងជួយឱ្យការបង្កាត់ពូជគោសិប្បនិម្មិត និងចិញ្ចឹមគោ កាន់តែមានប្រសិទ្ធិភាព៕
Tag:
គោសិប្បនិម្មិត
កសិកម្ម
© រក្សាសិទ្ធិដោយ thmeythmey.com