តាមសេចក្ដីជូនដំណឹងរបស់ ក្រសួងទេសចរណ៍ «ព្រឹត្តិការណ៍ទេសចរណ៍ និងកីឡា កម្ពុជា វៀតណាម និងថៃ» នឹងរៀបចំ នៅទីលានតេជោ ក្នុងខេត្តព្រះសីហនុ ចាប់ពីថ្ងៃទី១៩ ដល់ថ្ងៃទី២៣ ខែឧសភា ឆ្នាំ២០២៣។ 
 

ព្រឹត្តិការណ៍នេះ នឹងមានសកម្មភាពកីឡារួមមាន ប្រដាល់គុណខ្មែរ រត់ប្រណាំង ប្រណាំងកង់ និងបាល់ទះបុរសពីរនាក់លើឆ្នេរខ្សាច់ជាដើម។ ជាមួយគ្នានេះក៏មាន សិក្ខាសាលាផ្សព្វផ្សាយស្ដីពីការអភិវឌ្ឍ និងផែនការទាក់ទាញទេសចរណ៍ទៅកាន់តំបន់ឆ្នេរ ជំនួបរវាងអ្នកទិញ-អ្នកលក់ផលិតផល ឬសេវាកម្មទេសចរណ៍ និងកីឡា មកពីបណ្ដាខេត្តជាប់តំបន់ឆ្នេរនៃប្រទេសកម្ពុជា ប្រទេសវៀតណាម និងប្រទេសថៃ។
 

ពិព័រណ៍នេះ ត្រូវបានរំពឹងថា នឹងមានការចូលរួមពីអ្នកលក់សរុបចំនួន២០០ស្ដង់ អ្នកទិញអន្តរជាតិចំនួន ៥០នាក់ សារព័ត៌មានជាតិ-អន្តរជាតិចំនួន២០ស្ថាប័ន និងភ្ញៀវជាតិ-អន្តរជាតិប្រមាណជាង ៧០ម៉ឺននាក់៕