កីឡាករអុកចត្រង្គកម្ពុជា បានមេដាយប្រាក់ ក្រោយចាញ់ថៃ លើនៅវគ្គផ្ដាច់ព្រ័ត្រ នៃការប្រកួតអុកចត្រង្គ ក្នុងវិញ្ញាសា៣ទល់៣ ដោយប្រកួត៦០នាទី នៃព្រឹត្តិការណ៍ប្រកួតស៊ីហ្គេម លើកទី៣២ ឆ្នាំ២០២៣នេះ នាព្រឹកថ្ងៃទី៦ ឧសភា។ កីឡាករទាំង៣រូប មាន ឈាវ បូរ៉ា , សុខ លឹមហេង និង ជា ស៊ីដេត។


 ចំពោះការប្រកួតក្ដារទី១ ឈាវ បូរ៉ា និង ជា ស៊ីដេត លេងបានស្មើជាមួយថៃ ខណៈ សុខ លឹមហេង ចាញ់ថៃ។ ចូលដល់ក្ដារទី២ កីឡាករទាំង៣ប្រកួតបានត្រឹមស្មើថៃ ទាំងអស់ ប៉ុន្តែដោយសារតែ សុខ លឹមហេង ចាញ់ថៃ នៅក្ដារទី១នោះ ទើបអាជ្ញាកណ្ដាលសម្រេចឱ្យថៃ ជាអ្នកឈ្នះទៅតាមលក្ខខណ្ឌកំណត់។ ថៃ បានមេដាយមាស។