ក្រុមកីឡាបាល់ទាត់នារីកម្ពុជា បានកក់កៅអីនៅវគ្គពាក់កណ្តាលផ្តាច់ព្រ័ត្រជាប្រវត្តិសាស្ត្រក្នុងព្រឹត្តិការណ៍កីឡាស៊ីហ្គេម បន្ទាប់ពីពួកគេបានយកឈ្នះសិង្ហបុរី ១-០ ក្នុងជំនួបពូល B នៅកីឡដ្ឋានស្មាត RSN នារាត្រីថ្ងៃទី៦ ខែឧសភា នេះ។ កីឡាការិនី ពឿន គន្ធា ជាអ្នកស៊ុតប៉េណាល់ទីបានសម្រេច នៅនាទី៧៦ ក្រោយពេលដែលខ្សែការពារសិង្ហបុរី យកដៃប៉ះបាល់នៅតំបន់គ្រោះថ្នាក់។

 

នេះជាជ័យជម្នះពីរលើកជាប់គ្នាលើកដំបូងរបស់ក្រុមកីឡាការិនីកម្ពុជា បន្ទាប់ពីពួកគេយកឈ្នះឡាវ ២-០ នាជំនួបបើកឆាក។ ក្រុមនារីកម្ពុជា មាន៦ពិន្ទុស្មើក្រុមកំពូលតារាងថៃ ប៉ុន្តែខុសត្រូវត្រង់ចំនួនគ្រាប់បាល់បញ្ចូលទី។

 

កម្ពុជា និងថៃ ត្រូវដណ្តើមគ្នាយកលេខ១ក្នុងពូល ខណៈ ឡាវ និងសិង្ហបុរី ដែលចាញ់ពីរប្រកួតដំបូងដូចគ្នា ត្រូវប្រកួតបង្គ្រប់កិច្ចនាជំនួបចុងក្រោយចុងពូល៕