គិតមកត្រឹមថ្ងៃទី៦ខែឧសភានេះ មានគណបក្សលើពី១០ហើយ ដែលបានទៅចុះឈ្មោះនៅ គ.ជ.ប ដើម្បីចូលរួមប្រកួតប្រជែងក្នុងការបោះឆ្នោត។ គណបក្សប្រជាជនកម្ពុជា ដែលជាគណបក្សកំពុងកាន់អំណាច ស្ថិតក្នុងចំណោមគណបក្សជាង១០នោះដែរ។ 
  

គណបក្សខ្មែរឈរក្រ ធ្លាប់ចូលរួមប្រកួតប្រជែងការបោះឆ្នោត២លើករួចមកហើយ គឺនៅឆ្នាំ២០១៣ និងនៅឆ្នាំ២០១៨ តែគណបក្សនេះ ពុំដែលទទួលបានអាសនៈនោះទេ។ ជាការកត់សម្គាល់ គេ ពុំដែលឃើញគណបក្សខ្មែរឈរក្រ មានសកម្មភាពអ្វីឡើយ ដោយគេឃើញតែនៅពេលបោះឆ្នោតប៉ុណ្ណោះ។ 
 

គេ បានស្គាល់ និងនៅចាំឈ្មោះគណបក្សខ្មែរឈប់ក្រមកដល់បច្ចុប្បន្ន ដោយសារគោលនយោបាយដ៏ប្លែក១ គឺ ការផ្តល់សេវាវាយហ្វាយដោយឥតគិតថ្លៃ (Free Wifi) នៅទូទាំងប្រទេស បើខ្លួនបានឈ្នះឆ្នោតដឹកនាំរដ្ឋាភិបាល៕