កីឡាករ កែវ ភារុន ទទួលបានមេដាយប្រាក់លើវិញ្ញាសា Windsurfing RS: One ខណៈកីឡាករម៉ាឡេស៊ី Izry Hafielzy Fitry Azry បានមេដាយមាស កីឡាករហ្វីលីពីន Denver John Centino Castillo បានមេដាយសំរឹទ្ធ។

 

កែវ ភារុន ដដែល បានមេដាយសំរឹទ្ធលើវិញ្ញាសា Windfoil OQ: Foil Youth ដោយកីឡាករថៃ Passapong Lianglam បានមេដាយមាស, កីឡាករហ្វីលីពីន Andrei Frego Tugade បានមេដាយប្រាក់។

 

សម្រាប់វិញ្ញាសា Windsurfing RS:X ឯណោះវិញ កីឡាករ សែម ប្រុសពៅ បានមេដាយសំរឹទ្ធ បន្ទាប់ពីកីឡាករម៉ាឡេស៊ី Muhammad Hafizin Mansor បានមេដាយមាស និងកីឡាករសិង្ហបុរី Jayson Jian Sen Tan បានមេដាយប្រាក់។

 

សម្រាប់ព្រឹត្តិការណ៍កីឡាស៊ីហ្គេមលើកទី៣២នេះ កីឡាទូកក្តោងមាន៩វិញ្ញាសា ដោយថៃ ឈ្នះមេដាយមាស៤ ប្រាក់២ សំរឹទ្ធ១។ សិង្ហបុរីឈ្នះមេដាយមាស៣ និងប្រាក់៤ រីឯម៉ាឡេស៊ី ឈ្នះមេដាយមាស២ ប្រាក់១ សំរឹទ្ធ៤។

 

កម្ពុជា និងហ្វីលីពីន ទទួលបានមេដាយប្រាក់១ និងសំរឹទ្ធ២ ដូចគ្នា៕