មន្ត្រីអន្តរជាតិបាននិយាយថា ជំនួយសម្រាប់អាហ្វហ្កានីស្ថាននឹងត្រូវធ្លាក់ចុះយ៉ាងគំហុកក្នុងឆ្នាំ នេះ ខណៈដែលប្រទេសម្ចាស់ជំនួយប្រឈមនឹងការទប់ស្កាត់បុគ្គលិកជំនួយស្ត្រីមិនឱ្យធ្វើការ ដោយសាររដ្ឋបាលតាលីបង់ និងការព្យាយាមទប់ទល់នឹងការកើនឡើងនៃវិបត្តិជុំវិញពិភពលោកផ្សេងៗទៀត។ អង្គការសហប្រជាជាតិ (UN) បាននិយាយ នៅសប្តាហ៍មុនថាខ្លួននឹងបន្ត រក្សាបុគ្គលិករបស់ខ្លួននៅប្រទេសនេះ ទោះបីជារដ្ឋបាលនៅទីក្រុងកាប៊ុល បានចាប់ផ្តើមអនុវត្តការហាមឃាត់លើស្ត្រីអាហ្វហ្កានីស្ថានដែលធ្វើការឱ្យស្ថាប័នពិភពលោកនេះក៏ដោយ។

 

«រដ្ឋមន្ត្រីបានគូសបញ្ជាក់ថា ការគាំទ្រផ្នែកមនុស្សធម៌ដល់ប្រជាជនអាហ្វហ្កានីស្ថានត្រូវតែនៅ តែមិនទាក់ទងគ្នាពីការពិចារណានយោបាយណាមួយឡើយ»។ រដ្ឋមន្ត្រីការបរទេសចិន ប៉ាគីស្ថាន​ និងរដ្ឋបាលតាលីបង់ បានលើកឡើងបែបនេះក្នុងសេចក្ដីថ្លែងការណ៍រួមគ្នាមួយបន្ទាប់ពីកិច្ចប្រជុំត្រីភាគីនៅទីក្រុងអ៊ីស្លាម៉ាបាដ។

 

មន្ត្រីទាំងបីក៏បានអំពាវនាវឱ្យមានការដកទណ្ឌកម្មឯកតោភាគីប្រឆាំងនឹងអាហ្វហ្កានីស្ថាន ដើម្បីបង្កើតឱកាសសម្រាប់ការអភិវឌ្ឍសេដ្ឋកិច្ច និងវិបុលភាពនៅក្នុងប្រទេស។ បន្ថែមពីនេះ 

សេចក្ដីថ្លែងការណ៍រួមដដែលនោះសង្កត់ធ្ងន់អំពី ការធានាម្តងហើយម្តងទៀតរបស់រដ្ឋាភិបាល បណ្តោះអាសន្នអាហ្វហ្កានីស្ថានក្នុងការគោរពសិទ្ធិស្ត្រី និងបានជំរុញឱ្យម្ចាស់ជំនួយជួយដល់ ការកសាងឡើងវិញរបស់ប្រទេសមួយនេះដើម្បីការពារសិទ្ធិ និងផលប្រយោជន៍របស់ជន ជាតិអាហ្វហ្កានីស្ថានទាំងអស់រួមទាំងស្ត្រី និងកុមារ។

 

យោងតាមទិន្នន័យរបស់ UN អាមេរិកគឺជាម្ចាស់ជំនួយដ៏ធំបំផុតតាមការអំពាវនាវពីឆ្នាំមុនពី UN ដោយបានផ្តល់ថវិកាជំនួយជិត ១,២ ពាន់លានដុល្លារ។ រហូតមកដល់ពេលនេះ អាមេរិក បានផ្តល់ជំនួយច្រើនបំផុតដល់ការអំពាវនាវរបស់ UN ក្នុងឆ្នាំ ២០២៣ ក្នុងចំនួន ៧៥ លានដុល្លារ។ 

 

គួរបញ្ជាក់ថា កម្មវិធីអភិវឌ្ឍន៍របស់អង្គការសហប្រជាជាតិព្រមមានពីសេដ្ឋកិច្ចអាហ្វហ្កានីស្ថាន មានហានិភ័យ ប្រសិនបើជំនួយនៅតែបន្តរីងស្ងួត៕