ក្នុងថ្ងៃជាមួយគ្នា ជប៉ុន ក៏នឹងចុះហត្ថលេខាលើកញ្ចប់ជំនួយឥតសំណង ២,៦៧លានដុល្លារ ឱ្យកម្ពុជា ផងដែរ។​ បើតាមសេចក្តីប្រកាសព័ត៌មានរបស់ក្រសួងការបរទេស ​ជំនួយឥតសំណងនេះ គឺសម្រាប់អនុវត្តគម្រោងអាហារូបករណ៍អភិវឌ្ឍន៍ធនធានមនុស្ស។​

 

ក្រសួងការបរទេស បានបញ្ជាក់ថា ការផ្តល់ជំនួយអភិវឌ្ឍន៍ផ្លូវការទាំងពីរខាងលើនេះ​ នឹង​ចូលរួមចំណែកដល់កិច្ចខិតខំប្រឹងប្រែងអភិវឌ្ឍន៍សេដ្ឋកិច្ច-សង្គម ជាបន្តបន្ទាប់របស់​រដ្ឋាភិ​បាល​កម្ពុជា ព្រមទាំងបង្កើនការពង្រឹងទំនាក់ទំនងដ៏ល្អប្រពៃ និងកិច្ចសហប្រតិបត្តិការកំពុង​លូត​លាស់​លើគ្រប់វិស័យរវាងប្រជាជាតិទាំងពីរ​៕​