លោក ហ៊ុន សារ៉ាត់ បានបញ្ជាក់ថា ក្រុមការងារអន្តរាគមន៍បង្ក្រាបបទល្មើសចលនាសត្វ នៃអគ្គនាយកដ្ឋានសុខភាពសត្វ  និងផលិតកម្មសត្វ សហការជាមួយការិយាល័យផលិតកម្ម និងបសុព្យាបាលខេត្តកណ្ដាល បានស្ទាក់ចាប់បានរថយន្តមួយគ្រឿង ម៉ាក HYUNDIA ពណ៌ក្រហម ដែលបានលួចដឹកសត្វទាចំនួន ២៧២៥ក្បាល ចូលពីវៀតណាម តាមច្រករបៀង ស្រុកបុរីជលសារ ខេត្តតាកែវ ដោយគ្មានលិខិតអនុញ្ញាត។ 

 

រថយន្ត និងសត្វទាទាំងនោះ ត្រូវបានឃាត់នៅលើផ្លូវជាតិលេខ២ ភូមិកោះខ្នុរ ឃុំព្រែករកា ស្រុកកណ្ដាលស្ទឹង ខេត្តកណ្ដាល។ ក្រុមការងារជំនាញ បាននាំយកបទល្មើស និងវត្ថុតាងទាំងនោះទៅរក្សាទុកនៅទីតាំងចត្តាឡីស័កសត្វ របស់អគ្គនាយកដ្ឋានសុខភាពសត្វ និងផលិតកម្មសត្វ ដើម្បីចាត់ការទៅតាមនីតិវិធីច្បាប់៕