ជាលើកទី២ហើយ ដែលគណបក្សយុវជនកម្ពុជា ចូលរួមប្រកួតប្រជែងនយោបាយ ក្នុងការបោះឆ្នោតជ្រើសតាំងតំណាងរាស្ត្រនេះ ក្រោយពីបង្កើតឡើង កាលពីឆ្នាំ២០១៧មក។ ឆ្លងកាត់បទពិសោធន៍នយោបាយ៥ឆ្នាំមកនេះ លោក ពេជ្រ ស្រស់ ហាក់ដូចជាមានទំនុកចិត្តលើគណបក្សខ្លួនឯងច្រើនជាងមុន ក្រោយស្គាល់កាន់តែច្បាស់ពីស្ថានភាពនយោបាយនៅក​ម្ពុជា។
 

ប្រធានគណបក្សនយោបាយវ័យ៤០ឆ្នាំរូបនេះ បានស្ទាបស្ទង់ឃើញថា សន្ទុះនៃការគាំទ្របក្សខ្លួន មានកាន់តែច្រើនជាងអាណត្តិដំបូង ដែលខ្លួនបានចូលប្រឡូកក្នុងនយោបាយ។ ហេតុដូច្នេះហើយ​ ទើបលោក សម្រេចដាក់បេក្ខជនឈរឈ្មោះបោះឆ្នោត ទូទាំងប្រទេស ដើម្បីដណ្ដើមកៅអីរដ្ឋសភា ដែលមាន១២៥អាសនៈ តែម្ដង។