ការប្រកួតកម្មវិធីនេះ ផ្ដល់ឱកាសមានការប្រជែងចំណេះដឹង ក៏ដូចជាបង្ហាញពីភាពច្នៃប្រឌិត និងសមត្ថភាពដោះស្រាយបញ្ហា ទៅលើប្រធានបទអំពីបច្ចេកវិទ្យាឌីជីថល។
 

ចំពោះអ្នកជាប់ជ័យលាភីលេខ១ នឹងទទួលបានទឹកប្រាក់១៥លានរៀល , ជ័យលាភីលេខ២ ទទួលបានទឹកប្រាក់ ១០លានរៀល និងជ័យលាភីលេខ៣ ទទួលបានទឹកប្រាក់៥លានរៀល ព្រមទាំងទទួលបានអាហារូបករណ៍សិក្សាថ្នាក់បរិញ្ញាបត្រ និងឱកាសទៅទស្សនកិច្ចសិក្សាជាមួយក្រុមហ៊ុនបច្ចេកវិទ្យា នៅខាងក្រៅប្រទេសទៀតផង។
 

ដោយឡែកសម្រាប់ជ័យលាភីលេខ៤ ដល់លេខ២០ នឹងទទួលបានកុំព្យូទ័រយួរដៃ ១គ្រឿង និងប្រាក់ឧបត្ថម្ភផងដែរ។ ម្យ៉ាងទៀត កម្មវិធីខាងលើនឹងរៀបចំដោយផ្ទាល់នៅរាជធានីភ្នំពេញ ខេត្តកណ្ដាល  ខេត្តតាកែវ  ខេត្តសៀមរាប ខេត្តបាត់ដំបង និងខេត្តកំពង់ចាម៕