ថ្លែងក្នុងបទសម្ភាសជាមួយសារព័ត៌មានថ្មីៗ អត្តពលិករត់ប្រណាំងរូបនេះ បានបង្ហាញអារម្មណ៍រំភើបដូច្នេះថា៖«ការពិត ខ្ញុំមិននឹកស្មានថា ធ្វើបានប៉ុណ្ណឹងផង ដោយសារវ័យរបស់ខ្ញុំ វាច្រើន។ ប៉ុន្តែខ្ញុំធ្វើបានប៉ុណ្ណឹង ខ្ញុំសប្បាយចិត្ត។ ទោះបីបាន(លទ្ធផល) ទាបជាងនេះ ក៏ខ្ញុំសប្បាយចិត្តដែរ»។
 

សម្រាប់ការប្រកួតនេះ លោក ឈឹម ផាន សម្រេចបានមេដាយប្រាក់២គ្រឿង ក្នុងនោះ ឈ្នះមេដាយប្រាក់ លើ​វិញ្ញាសា ៨០០ម៉ែត្រ T64 និងវិញ្ញាសា១៥០០ម៉ែត្រ T64។ កីឡាកររូបនេះ នៅសល់ការប្រកួតមួយវិញ្ញាសាទៀត។
 

លោក ឈឹម ផាន ចាប់ផ្ដើមប្រឡូកចូលវិស័យកីឡានេះ តាំងពីឆ្នាំ១៩៩៧មក ដោយធ្លាប់ទទួលបានមេដាយជាង២០គ្រឿង។ ជិត៣០ឆ្នាំ នៃអាជីពជាកីឡាករអាស៊ានប៉ារ៉ាហ្គេមនេះ លោក ផាន មានអនុស្សាវរីយ៍ជាច្រើន ជាពិសេសការប្រកួតដណ្ដើមមេដាយជូនជាតិ។  
 

ទាំងភាពនឿយហត់ ឈឺចាប់ សប្បាយរីករាយ និងការខ្វះខាតថវិកាទិញឧបករណ៍ប្រើប្រាស់ សម្រាប់ការប្រកួតអាស៊ានប៉ារ៉ាហ្គេមនេះ សុទ្ធតែជាការចងចាំដ៏ល្អៗ របស់លោក ឈឹម ផាន ។ ក្រោយបញ្ចប់អាជីពនេះ លោក ឈឹម ផាន ក៏មានបំណងចង់ក្លាយជាគ្រូបង្វឹកផងដែរ បើសិនជាថ្នាក់ដឹកនាំកីឡា ផ្ដល់ឱកាសឱ្យរូបលោក៕