ការស្នើសុំខាងលើនេះ ក្នុងគោលបំណងបង្កើនទេសចរ ពីប្រទេសអេមីរ៉ាតអារ៉ាប់រួមមកកាន់កម្ពុជាបន្ថែម។ កិច្ចពិភាក្សានេះ ជួយជំរុញការចុះអនុស្សរណៈយោគយល់ស្ដីពីកិច្ចសហប្រត្តិការលើវិស័យទេសចរណ៍ឡើងវិញ ដែលធ្លាប់បានចុះហត្ថលេខាកាលពីឆ្នាំ២០១២ហើយ ហើយបច្ចុប្បន្នបានអស់សុពលភាព។

 

លោក ថោង ខុន បានលើកឡើងថា ប្រទេសកម្ពុជាកំពុងមានអភិវឌ្ឍលើគ្រប់វិស័យ មានស្ថិរភាព សុខសន្តិភាព ហេដ្ឋារចនាស័ម្ពន្ធ និងផលិតផលទេសចរណ៍ថ្មី ដែលអាចឱ្យអ្នកវិនិយោគមើលឃើញពីសក្ដានុពលនៃការវិនិយោគនៅកម្ពុជាបាន។ ជាពិសេស រាជរដ្ឋាភិបាលកម្ពុជា លើកទឹកចិត្តខ្ពស់ដល់អ្នកវិនិយោគគ្រប់គ្នាដែលមកវិនិយោគនៅកម្ពុជា។

 

គួរជម្រាបថា កន្លងមក រវាងកម្ពុជា-អេមីរ៉ាតអារ៉ាប់រួមមានការតភ្ជាប់ជើងហោះហើរឌូបៃ-យ៉ាងហ្គូន-ភ្នំពេញ ដែលជាមធ្យោបាយសម្រាប់ការធ្វើដំណើររបស់ទេសចរទៅមកប្រទេសទាំងពីរ និងទាក់ទាញរំហូរទេសចរប្រទេសទី៣ផងដែរ៕