ដោយមានការតាំង​ចិត្ត និងមានការគាំទ្រពីគ្រួសារ ពិសេស​ភ្ញៀវទេសចរបរទេស សុទ្ធសឹងជាកម្លាំងជំរុញទឹកចិត្តអ្នកស្រី សៀង ម៉េង ឱ្យបន្តអាជីពនេះ​មកដល់​សព្វថ្ងៃ។ សព្វថ្ងៃ ស្រ្តីមានដើមកំណើតនៅស្រុកអូររាំងឪ ខេត្តកំពង់ចាម រូបនេះ រីករាយជាមួយនឹងអាជីព​បើក​រ៉ឺម៉កកង់បី និងមិនចង់ប្ដូររបរផ្សេងឡើយ។ អ្នកស្រី សៀង ម៉េង ប្រាប់ថា ការងារអ្វីក៏ស្រ្តីអាចធ្វើបាន​ដែរ សំខាន់គឺក្ដីស្រឡាញ់ និងតាំងចិត្តធ្វើវាឱ្យបានល្អបំផុត។