អ្នកទាំង៥ ដែលទទួលបានតំណែងជាអនុប្រធានគណៈកម្មាធិការសិទ្ធិមនុស្សកម្ពុជា និងមានឋានៈស្មើរដ្ឋមន្រ្តី គឺលោក សុខ ប៊ុនថា លោក កត្តា អ៊ន លោក ខៀវ តុលា អ្នកស្រី ឆាំ ម៉ារី និងលោកស្រី ឡុង សូនីតា។ 
 

ក្រៅពីនេះ នៅមានសមាជិក១១នាក់នៃគណៈកម្មាធិការសិទ្ធិមនុស្សកម្ពុជា ក៏ត្រូវបានដំឡើងឋានៈដែរ។ យោងតាមព្រះរាជក្រឹត្យ សមាជិកទាំង១១នាក់នោះ សុទ្ធតែទទួលបានការដំឡើងឋានៈស្មើរដ្ឋលេខាធិការទាំងអស់គ្នា។ 
 

តាមរយៈសារលើគណនីហ្វេសប៊ុករបស់ខ្លួន លោក កែវ រ៉េមី ប្រធាននៃគណៈកម្មាធិការសិទ្ធិមនុស្សកម្ពុជា លើកឡើងថា មានសមត្ថភាព មានភាពអំណត់ឧស្សាហ៍ព្យាយាម មិនអួតអាង ហើយសុភាពរាបសា គឺស័ក្តិសមនឹងទទួលបានការលើកស្ទួយ។ ជាមួយគ្នានេះ លោក បានថ្លែងអំណរគុណដល់សម្តេច ហ៊ុន សែន ដែលតែងសន្តោសប្រណី និងយកចិត្តទុកដាក់ដល់ស្ថាប័នមួយនេះ៕