ជាតិ
សម្តេច ហ៊ុន សែន ចេញបញ្ជាឱ្យបញ្ចេញកម្លាំង និងអាវុធ បាញ់ទម្លាក់ Drone ដែលចូលទឹកដីកម្ពុជា
×![]()
ដោយ: សារព័ត៌មានថ្មីៗ
ក្នុងសារជាសំឡេងនៅថ្ងៃទី២៧ ខែមិថុនា នេះ សម្តេចនាយករដ្ឋមន្ត្រី ហ៊ុន សែន បានចេញបទបញ្ជាឱ្យសម្តេច ទៀ បាញ់ លោក វង្ស ពិសេន និងលោក ហ៊ីង ប៊ុនហៀង បញ្ចេញកម្លាំងទ័ព និងអាវុធទំនើបៗ ដើម្បីបាញ់ទម្លាក់យន្តហោះគ្មានមនុស្សបើក ដែលបានហោះចូលទឹកដីកម្ពុជា ជាពិសេសនៅភូមិសាស្ត្រខេត្តរតនគិរី មណ្ឌលគិរី និងស្ទឹងត្រែង ជាប់ព្រំប្រទល់វៀតណាម។
សម្តេចបានចេញបទបញ្ជាទៅកាន់រដ្ឋមន្ត្រីក្រសួងការពារជាតិ អគ្គមេបញ្ជាការកងយោធពលខេមរភូមិន្ទ និងមេបញ្ជាការអង្គរក្ស គឺកើតឡើងបន្ទាប់ពីមានសភាពវាយប្រហារបែបភេរវកម្មនៅលើទឹកដីវៀតណាម កាលពីពីរសប្តាហ៍កន្លងមក។ សម្តេចបានអះអាងថា កម្ពុជាបានសហការជាមួយភាគីវៀតណាម លើការទប់ស្កាត់ការបាក់ទ័ពរត់ឆ្លងកាត់ចូលមកទឹកដីកម្ពុជា។ ប៉ុន្តែអ្វីដែលជាបញ្ហានោះ គឺ Drone ជាច្រើនគ្រឿង បានហោះចូលទឹកដីកម្ពុជា ជាបន្តបន្ទាប់នៅក្នុងតំបន់នៃខេត្តរតនគិរី ខណៈភាគីវៀតណាម បានបដិសេធថា មិនមែនជា Drone របស់ខ្លួនឡើយ។
«ការវាយតម្លៃជាបន្តបន្ទាប់រហូតមកដល់ថ្ងៃនេះ ខ្ញុំប៉ាន់ស្មានថា Drone ចំនួនដ៏ច្រើននេះ គឺជា Drone របស់ពួកបច្ចាមិត្រ ដែលបានធ្វើសកម្មភាពវាយប្រហារនៅលើទឹកដីវៀតណាម ហើយមានសញ្ញាថា មួយចំនួនកំពុងបាក់ទ័ពរត់ចូលមកកម្ពុជា»។ នេះជាការបញ្ជាក់របស់សម្តេច ហ៊ុន សែន ដោយចេញបញ្ជាឱ្យមានការបញ្ចេញអាវុធទំនើបបាញ់ទម្លាក់រាល់ Drone ដែលហោះចូលកម្ពុជា។
ក្នុងបទបញ្ជាបន្ថែម សម្តេចបានឱ្យលោក ហ៊ីង ប៊ុនហៀង បញ្ចេញកម្លាំង៥០០នាក់ និងអាវុធតិចបំផុត២០០ដើម ដោយគ្មានការអត់ឱន និងលើកលែងអ្នកដែលបំពានអធិបតេយ្យកម្ពុជានោះឡើយ៕
សម្តេចបានចេញបទបញ្ជាទៅកាន់រដ្ឋមន្ត្រីក្រសួងការពារជាតិ អគ្គមេបញ្ជាការកងយោធពលខេមរភូមិន្ទ និងមេបញ្ជាការអង្គរក្ស គឺកើតឡើងបន្ទាប់ពីមានសភាពវាយប្រហារបែបភេរវកម្មនៅលើទឹកដីវៀតណាម កាលពីពីរសប្តាហ៍កន្លងមក។ សម្តេចបានអះអាងថា កម្ពុជាបានសហការជាមួយភាគីវៀតណាម លើការទប់ស្កាត់ការបាក់ទ័ពរត់ឆ្លងកាត់ចូលមកទឹកដីកម្ពុជា។ ប៉ុន្តែអ្វីដែលជាបញ្ហានោះ គឺ Drone ជាច្រើនគ្រឿង បានហោះចូលទឹកដីកម្ពុជា ជាបន្តបន្ទាប់នៅក្នុងតំបន់នៃខេត្តរតនគិរី ខណៈភាគីវៀតណាម បានបដិសេធថា មិនមែនជា Drone របស់ខ្លួនឡើយ។
«ការវាយតម្លៃជាបន្តបន្ទាប់រហូតមកដល់ថ្ងៃនេះ ខ្ញុំប៉ាន់ស្មានថា Drone ចំនួនដ៏ច្រើននេះ គឺជា Drone របស់ពួកបច្ចាមិត្រ ដែលបានធ្វើសកម្មភាពវាយប្រហារនៅលើទឹកដីវៀតណាម ហើយមានសញ្ញាថា មួយចំនួនកំពុងបាក់ទ័ពរត់ចូលមកកម្ពុជា»។ នេះជាការបញ្ជាក់របស់សម្តេច ហ៊ុន សែន ដោយចេញបញ្ជាឱ្យមានការបញ្ចេញអាវុធទំនើបបាញ់ទម្លាក់រាល់ Drone ដែលហោះចូលកម្ពុជា។
ក្នុងបទបញ្ជាបន្ថែម សម្តេចបានឱ្យលោក ហ៊ីង ប៊ុនហៀង បញ្ចេញកម្លាំង៥០០នាក់ និងអាវុធតិចបំផុត២០០ដើម ដោយគ្មានការអត់ឱន និងលើកលែងអ្នកដែលបំពានអធិបតេយ្យកម្ពុជានោះឡើយ៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
