ក្រុមប្រឹក្សាធម្មនុញ្ញ ជាស្ថាប័នកំពូលចុងក្រោយ ដែលមានតួនាទីពិនិត្យសេចក្តីព្រាងស្តីពីវិសោធនកម្មច្បាប់បោះឆ្នោត បន្ទាប់ពីទទួលបានការអនុម័តទាំងស្រុងពីរដ្ឋសភា និងព្រឹទ្ធសភារួមមក។ បើក្រុមប្រឹក្សាធម្មនុញ្ញ អនុម័តយល់ព្រមដែរនោះ សេចក្តីព្រាងនេះ នឹងត្រូវថ្វាយទៅព្រះមហាក្សត្រ ដើម្បីទ្រង់ចេញព្រះរាជក្រមប្រកាសឲ្យប្រើប្រាស់។
 

មាត្រាថ្មី ដែលត្រូវបានសរសេរចូលទៅក្នុងច្បាប់បោះឆ្នោត មានខ្លឹមសារជារួមថា អ្នកដែលមិនទៅបោះឆ្នោត នឹងមិនមានសិទ្ធិឈរជាបេក្ខជនឲ្យគេបោះឆ្នោត នៅពេលក្រោយឡើយ។ មាត្រាថ្មី ក៏មានចែងពីការពិន័យប្រាក់ ឬការដាក់ទោសទណ្ឌលើអ្នកដែលធ្វើសកម្មភាពរារាំងប្រពលរដ្ឋមិនឲ្យទៅបោះឆ្នោត និងសកម្មភាពដែលប៉ះពាល់ដល់ដំណើរការបោះឆ្នោតផងដែរ៕