ក្រុមប្រឹក្សាធម្មនុញ្ញ ជាស្ថាប័នកំពូលចុងក្រោយបង្អស់ ដែលទទួលភារកិច្ចក្នុងការពិនិត្យសេចក្តីព្រាងស្តីពីវិសោធនកម្មច្បាប់បោះឆ្នោត។ ជានីតិវិធីបន្ទាប់ សេចក្តីព្រាងនេះ នឹងត្រូវថ្វាយទៅព្រះមហាក្សត្រ ដើម្បីទ្រង់ចេញព្រះរាជក្រម ប្រកាសឲ្យប្រើប្រាស់។ មុនទៅដល់ក្រុមព្រឹក្សាធម្មនុញ្ញ សេចក្តីព្រាងខាងលើ ទទួលបានការអនុម័តយល់ព្រមទាំងស្រុងពីរដ្ឋសភា និងព្រឹទ្ធសភា។
 

ខ្លឹមសារជារួមនៃវិសោធនកម្មច្បាប់បោះឆ្នោត គឺ អ្នកដែលមិនទៅបោះឆ្នោត នឹងមិនមានសិទ្ធិឈរជាបេក្ខជនឲ្យគេបោះឆ្នោត នៅពេលក្រោយឡើយ ហើយអ្នកដែលធ្វើសកម្មភាពរារាំងប្រពលរដ្ឋមិនឲ្យទៅបោះឆ្នោត និងសកម្មភាពដែលប៉ះពាល់ដល់ដំណើរការបោះឆ្នោត នឹងត្រូវពិន័យប្រាក់ ឬទទួលទោសទណ្ឌណាមួយបន្ថែមទៀត៕