ជាតិ
សាកលវិទ្យាល័យវៀតណាម Ton Doc Thang ផ្តល់អាហារូបករណ៍១៦៥កន្លែង ដល់និស្សិតខ្មែរ លោក ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា (រូបភាពតំណាង) រូបភាពពី៖ ក្រសួងអប់រំ យុវជន និងកីឡា
×
ដោយ៖ សុង សុធាវី
ភ្នំពេញ៖ សាកលវិទ្យាល័យ Ton Doc Thang របស់វៀតណាម ផ្តល់អាហារូបករណ៍ចំនួន ១៦៥កន្លែង សម្រាប់ឆ្នាំសិក្សា ២០២៣- ២០២៤នេះ ដល់និស្សិតកម្ពុជា។ បើតាមសេចក្តីជូនដំណឹងរបស់ក្រសួងអប់រំ ចុះថ្ងៃទី៥ កក្កដា អាហារូបករណ៍នេះ គឺសម្រាប់ថ្នាក់បរិញ្ញាបត្របង្រៀនជាភាសាវៀតណាម ថ្នាក់បរិញ្ញាបត្របង្រៀនជាភាសាអង់គ្លេស និងថ្នាក់ត្រៀមជាភាសាវៀតណាម។
សេចក្តីជូនដំណឹងដដែលបញ្ជាក់ថា អាហារូបករណ៍សម្រាប់ថ្នាក់បរិញ្ញាបត្របង្រៀនជាភាសាវៀតណាម មានទាំងអស់ ៨៥កន្លែង ក្នុងនោះអាហារូបករណ៍ពេញលេញចំនួន ៧៥កន្លែង និងអាហារូបករណ៍មិនពេញលេញចំនួន ១០កន្លែង។ រីឯ អាហារូបករណ៍ថ្នាក់បរិញ្ញាបត្របង្រៀនជាភាសាអង់គ្លេស មាន៣០កន្លែង ដោយអាហារូបករណ៍ពេញលេញចំនួន ២០កន្លែង និងអាហារូបករណ៍មិនពេញលេញចំនួន ១០កន្លែង។ ចំណែកថ្នាក់ត្រៀមភាសាវៀតណាម គឺជាអាហារូបករណ៍ពេញលេញមានចំនួន ៥០កន្លែង។
សម្រាប់ព័ត៌មានទាក់ទងនឹងការដាក់ពាក្យ និងលក្ខខណ្ឌផ្សេងៗនៃអាហារូបករណ៍នេះ បេក្ខជនអាចចូលអាន និងចុះឈ្មោះ តាមរយៈទំព័រហ្វេសប៊ុករបស់ក្រសួងអប់រំ យុវជន និងកីឡា៕
© រក្សាសិទ្ធិដោយ thmeythmey.com