កីឡាអន្តរជាតិ
អន្តរជាតិ
អារ៉ាប៊ីសាអូឌីតកំពុងទាក់ទាញចិត្តកីឡាករតំបន់អឺរ៉ុប ខណៈខ្លួនចង់បង្កើតឧស្សាហកម្ម កម្សាន្តផ្ទាល់ដៃ
× អារ៉ាប៊ីសាអូឌីត ក្លាយជាប្រទេសដ៏ទាក់ទាញមួយ សម្រាប់កីឡាករបាល់ទាត់ស្ថិតក្នុងតំបន់អឺរ៉ុបនារយៈពេលប៉ុន្មានខែចុងក្រោយនេះ។ ចាប់តាំងពីការផ្ទេររបស់ Cristiano Ronaldo កាលពីដើមឆ្នាំ ២០២៣ ក្របខណ្ឌ Saudi Pro League មានសន្ទុះខ្លាំង ព្រមទាំងការនាំយកកីឡាករល្បីៗជាច្រើនពីតំបន់អឺរ៉ុប ទៅចូលរួមក្រុមពួកគេ។ ប្រទេសអារ៉ាប៊ីសាអូឌីតចង់បង្កើតឧស្សាហកម្មកម្សាន្តទាំងនេះ ដោយខ្លួនគេផ្ទាល់?
កាលខែមករា ដើមឆ្នាំ២០២៣ អំឡុងតំបន់អឺរ៉ុបឈានដល់ទីផ្សារការដោះដូរពាក់កណ្តាលរដូវកាល Ronaldo ផ្លាស់ទៅកាន់ក្លិប Al-Nassr ដោយគ្មានតម្លៃខ្លួន។ កីឡាករសញ្ជាតិព័រទុយហ្កាលរូបនេះ ទទួលបានប្រាក់ពលកម្មប្រមាណ ២២០លានដុល្លារក្នុងឆ្នាំ។
កាលពីខែមិថុនា Karim Benzema ម្ចាស់ពាន Ballon d’Or ក៏បានផ្លាស់ទៅចូលរួមក្រុម Al-Ittihad ដោយទទួលបានប្រាក់ប្រមាណ ២១៩លានដុល្លារក្នុងឆ្នាំ បន្ទាប់ពីខ្សែប្រយុទ្ធសញ្ជាតិបារាំងរូបនេះ ផុតកិច្ចសន្យាជាមួយក្រុម Real Madrid។ ក្រៅពី Benzema កីឡាករក្រុម Chelsea ចំនួន ៤នាក់ បានផ្លាស់ទៅទឹកដីអារ៉ាប៊ីសាអូឌីត ខណៈដែល Sergio Ramos, Bernardo Silva និង Heung-Min Son ត្រូវបានរាយការណ៍ថា ទទួលបានសំណើស្រដៀងនឹងក្រុមកីឡាករមុនៗ ដែលបានផ្លាស់ទៅ Saudi Pro League។
ប្រទេសអារ៉ាប៊ីសាអូឌីត កំពុងតែសម្លឹងមើលការពង្រីកសេដ្ឋកិច្ចរបស់ខ្លួន តាមរយៈការបង្កើតឧស្សាហកម្មផ្សេងៗទៀត ដើម្បីជួយធានាដល់អនាគតហិរញ្ញវត្ថុរបស់ខ្លួន។ ភាគច្រើនសេដ្ឋកិច្ចប្រទេសអារ៉ាប៊ីសាអូឌីត ពឹងផ្អែកលើការលក់ប្រេង ប៉ុន្តែការលក់ប្រេង មិនមែនជារឿងដែលស្ថិរភាពរហូតនោះឡើយ ដូច្នេះប្រទេសនេះ ត្រូវការពង្រីកសេដ្ឋកិច្ចរបស់ខ្លួន។
កីឡាគឺជាសក្តានុពលថ្មីមួយ ដែលប្រទេសអារ៉ាប៊ីសាអូឌីតកំពុងតែសម្លឹងមើល ដើម្បីការអភិវឌ្ឍប្រទេសអារ៉ាប៊ីសាអូឌីត ក្នុងនោះក៏មានការពង្រឹងសមត្ថភាព ការប្រកួតបាល់ទាត់លីគដែរ។ អារ៉ាប៊ីសាអូឌីត នាំយកកីឡាករច្រើនមកពីតំបន់អឺរ៉ុប ដើម្បីពង្រឹងលីគរបស់ខ្លួន តាមរយៈគម្រោង PIF មូលនិធិវិនិយោគទ្រព្យសម្បត្តិអធិតេយ្យរបស់ប្រទេសអារ៉ាប៊ីសាអូឌីតផ្ទាល់។
បច្ចុប្បន្នប្រទេសអារ៉ាប៊ីសាអូឌីត កំពុងតែបង្កើនចំណាប់អារម្មណ៍ពីពិភពលោក តាមរយៈការរៀបចំការប្រកួតកីឡាជាច្រើនក្នុងប្រទេស ដូចជាប្រណាំងរថយន្ត Formula 1, កម្មវិធីប្រណាំងម៉ូតូ Moto GP ការប្រកួតបាល់ទាត់ ក៏ដូចជាកីឡាដទៃទៀត ដែលពួកគេបាននាំទៅ។ ការនាំយកកីឡាទាំងនេះ ឱ្យមានការប្រកួតនៅក្នុងប្រទេសពួកគេ ព្រោះតែពួកគេចង់កសាងនៅឧស្សាហកម្មកម្សាន្តដោយខ្លួនឯង ទៅក្នុងការចាប់អារម្មណ៍របស់ប្រជាជនអារ៉ាប៊ីសាអូឌីត និងទៅកាន់ពិភពលោក៕
Tag:
អារ៉ាប៊ីសាអូឌីត
Saudi Pro League
© រក្សាសិទ្ធិដោយ thmeythmey.com