ខ្សែបម្រើ Sophie Schmidt រួមជាមួយកីឡាការិនីម្ចាស់ពាន Canadian Player of the Year ៣សម័យកាល Kadeisha Buchanan និងកីឡាការិនី Jessie Fleming មិត្តរួមក្រុមនៅក្លិប Chelsea សុទ្ធសឹងតែស្ថិតក្នុងចំណោមកីឡាការិនីជើងចាស់របស់កាណាដា ទៅកាន់ World Cup ឆ្នាំ២០២៣។ ព្រឹត្តិការណ៍ពានរង្វាន់ Women’s World Cup 2023 នឹងចាប់ផ្តើមការប្រកួតចាប់ពីថ្ងៃទី២០ ខែកក្កដា រហូតដល់ថ្ងៃទី២០ ខែសីហា នៅក្នុងប្រទេសអូស្ត្រាលី និងនូវែលសេឡង់​ ដែលជាសហម្ចាស់ផ្ទះ។

«រាល់គ្រប់គ្នាសុទ្ធសឹងតែផ្តល់អ្វីគ្រប់យ៉ាងដើម្បីអាចមានវត្តមានក្នុងក្រុមនេះ វាគឺជាការបូកបញ្ចូលគ្នាដ៏អស្ចារ្យនូវបទពិសោធន៍ និងកីឡាការិនីថ្មីដែលអាចនាំមកនូវអ្វីដែលខុសប្លែកនឹងភ្ញាក់ផ្អើលសម្រាប់ការប្រកួតនាពេលខាងមុខ។»។ នេះជាសម្តីគ្រូបង្វឹកកាណាដាអ្នកស្រី Bev Priestman បាននិយាយអំពីការត្រៀមខ្លួនរបស់ក្រុម។
 

កីឡាការិនី Sinclair វ័យ ៤០ឆ្នាំ ជាកីឡាការិនីក្រុមកាណាដាមួយរូបដែលរកបានគ្រាប់បាល់ច្រើនជាងគេចំនួន ១៩០គ្រាប់ ហើយក៏ជាកីឡាការិនីមួយរូបដែលបង្ហាញខ្លួនប្រកួតចំនួន ៣២៣ប្រកួត។ កីឡាការិនីរូបនេះបង្ហាញក្តីសង្ឃឹមថានាងនឹងអាចក្លាយជាកីឡាការិនីដំបូងដែលអាចរកបានគ្រាប់បាល់បញ្ចូលទីក្នុងការបង្ហាញខ្លួន ៦លើកផ្សេងគ្នា។
 

សម្រាប់ក្រុមកាណាដា កម្រិតអាយុសម្រាប់ក្រុមទាំងមូលមានអាយុជាមធ្យមនៅចន្លោះ ២៧ឆ្នាំ ហើយក្រុមជើងខ្លាំងមួយរូបក្នុងវិស័យបាល់ទាត់នារី កាណាដា នឹងចាប់ផ្តើមការប្រកួតក្នុងវគ្គចែកពូល ពូល B ដោយត្រូវជួបក្រុមនីហ្សេរីយ៉ា នាថ្ងៃទី២១ ខែកក្កដា៕
 

ក្រុមបាល់ទាត់នារីកាណាដា៖
 

អ្នកចាំទី ៖ Kailen Sheridan (San Diego Wave FC), Sabrina D'Angelo (Arsenal FC), Lysianne Proulx (SCU Torreense)

ខ្សែការពារ ៖ Kadeisha Buchanan (Chelsea), Vanessa Gilles (Olympique Lyonnais), Shelina Zadorsky (Tottenham Hotspur), Allysha Chapman (Houston Dash), Ashley Lawrence (Paris Saint-Germain), Jayde Riviere (Manchester United), Gabrielle Carle (Washington Spirit)

ខ្សែបម្រើ ៖ Quinn (OL Reign), Simi Awujo (University of Southern California), Jessie Fleming (Chelsea), Julia Grosso(Juventus), Sophie Schmidt (Houston Dash)

ខ្សែប្រយុទ្ធ ៖ Jordyn Huitema (OL Reign), Cloe Lacasse (Benfica), Adriana Leon (Portland Thorns), Christine Sinclair (Portland Thorns), Nichelle Prince (Houston Dash), Deanne Rose (Reading), Evelyne Viens (Kristianstads), Olivia Smith (Pennsylvania State University)៕