កីឡាអន្តរជាតិ
អន្តរជាតិ
Ten Hag សរសើរ Mount ក្រោយបង្ហាញខ្លួនដំបូងឱ្យ Man United ឈ្នះ Leeds
× Mason Mount បានបង្ហាញខ្លួនលើកដំបូងក្នុងនាមជាកីឡាករ Manchester United ខណៈដែលក្រុមស្ថិតក្រោមការដឹកនាំរបស់លោក Erik ten Hag យកឈ្នះ Leeds United លទ្ធផល ២-០ ក្នុងការប្រកួតកម្តៅសាច់ដុំត្រៀមបើករដូវកាលថ្មី ដែលធ្វើឡើងក្នុងទីក្រុង Oslo ប្រទេសន័រវែស។ Ten Hag សរសើរ Mount ជាកីឡាករមានគុណភាព និងជួយក្រុមប្រជែងពានរដូវកាលថ្មី។
ខ្សែបម្រើវ័យ ២៤ឆ្នាំ ដែលបានផ្លាស់ទៅកាន់ Man United ដោយផ្ទេរពីក្រុម Chelsea កាលពីខែមុន ក្នុងតម្លៃ៧០លានដុល្លារ បង្ហាញខ្លួនក្នុងជម្រើស១១នាក់ដំបូងនៃការប្រកួតមិត្តភាពត្រៀមបើករដូវកាលថ្មី នឹងបង្ហាញទម្រង់លេងបានយ៉ាងភ្ញាក់ផ្អើល។
ជម្រើស ១១នាក់ដំបូងរបស់លោក Ten Hag មានលាយឡំរវាងកីឡាករដែលមានបទពិសោធន៍ និងកីឡាករយុវជន ក្នុងនោះរួមមានខ្សែការពារ Lisandro Martinez, Raphael Varane និង Jadon Sancho សុទ្ធសឹងតែមានវត្តមានក្នុងក្រុមសម្រាប់ការប្រកួតត្រៀមរដូវកាលថ្មី។
ចំណែកក្នុងការប្រកួតដែល Mount បង្ហាញខ្លួនលើកដំបូង កីឡាករជម្រើសជាតិអង់គ្លេស បានបង្ហាញទម្រេង់លេងយ៉ាងល្អ ដោយគេបានបង្កើតឱកាសល្អៗច្រើនលើកនៅដើមវគ្គ ដើម្បីបញ្ជូនបាល់ឱ្យកីឡាកររួមក្រុមស៊ុត។ តំបន់ខ្សែបម្រើរបស់ក្រុមបិសាចក្រហម ចាប់ផ្តើមបង្កើតឱកាសច្រើនឡើងទៅកាន់តំបន់ប្រយុទ្ធ ដែលជាការបង្កើតឡើងពី Mount។
ក្រោយពេលឃើញ Mount បង្ហាញទម្រង់លេងភ្ញាក់ផ្អើល លោក Ten Hag ជាអ្នកចាត់ការក្រុមបាននិយាយដូច្នេះថា ៖«ខ្ញុំប្រាកដថាគេនឹងរួមចំណែកដល់ភាពជោគជ័យរបស់ Manchester United ព្រោះគេជាកីឡាករមានគុណភាពមួយរូប។ ក្នុងតំបន់ខ្សែបម្រើអ្នកត្រូវតែប្រយុទ្ធ ប៉ុន្តែអ្នកក៏ត្រូវតែការពារផងដែរ គេនឹងនាំមកនៅកម្លាំងមកក្នុងការប្រកួតរបស់យើង យើងត្រូវការកម្លាំងដ៏ខ្លាំងក្នុងតំបន់ខ្សែបម្រើ។»។
ការប្រកួតជ័យជម្នះ ២-០ ក្នុងជំនួបមិត្តភាពត្រៀមបើករដូវកាលថ្មី គ្រាប់បាល់ជ័យជម្នះទាំង ២គ្រាប់ធ្វើបានដោយកីឡាករយុវជន Noam Emeran នៅនាទី ៦៧ និង Joe Hugill នៅនាទី ៨១ ម្នាក់ ១គ្រាប់សម្រាប់ក្រុមបិសាចក្រហម។
ពិសេសលើសពីការប្រកួត ក្នុងជំនួបនោះកីឡាករក្រុមបិសាចក្រហម និង Leeds ក៏បានពាក់អាវដែលមានឈ្មោះថា McQueen ដើម្បីជាការឧទ្ទិសការចងចាំទៅដល់លោក Gordon McQueen ដែលធ្លាប់ជាអតីតកីឡាករខ្សែការពារក្រុមទាំងពីរ។ លោក Gordon McQueen បានទទួលមរណៈភាពក្នុងវ័យ ៧០ឆ្នាំ កាលពីខែមិថុនា៕
Tag:
Mason Mount
Manchester United
© រក្សាសិទ្ធិដោយ thmeythmey.com