អន្តរជាតិ
ចិនកត់ត្រាសីតុណ្ហភាពខ្ពស់បំផុតរហូតដល់៥២,២អង្សានៅភាគពាយ័ព្យនៅថ្ងៃទី១៦ កក្កដា សម្ព័ន្ធភាពចម្រុះ នៅតែឱ្យលោក Pita ធ្វើជាបេក្ខជននាយករដ្ឋមន្ត្រីម្តងទៀត
× ទីប្រជុំជនដាច់ស្រយាលមួយនៅភាគពាយ័ព្យចិន មានសីតុណ្ហភាពក្ដៅបំផុតលើសពី៥២,២អង្សាកាលពីថ្ងៃទី១៦ ខែកក្កដា។ កម្រិតនេះជាកំណត់ត្រាថ្មីមួយសម្រាប់ចិនក្នុងរយៈចុងក្រោយនេះ។
យោងតាមរបាយការណ៍ទីភ្នាក់ងារព័ត៌មានរដ្ឋចិន Xinjiang Daily ចេញផ្សាយនាថ្ងៃទី ១៧ ខែកក្កដា សីតុណ្ហភាពនៅទីប្រជុំជន Sanbao ក្នុងតំបន់ Turpan Depression របស់ខេត្ត Xinjiang បានកើនឡើងខ្ពស់រហូតដល់៥២,២អង្សា ជាមួយនឹងការពឹងថាសីតុណ្ហភាពក្នុងកម្រិតនេះនឹងមានយ៉ាងហោចណាស់ប្រាំថ្ងៃទៀត។
សីតុណ្ហភាពកម្រិតថ្មីនេះ បានបំបែកកំណត់ត្រាកម្រិតពីមុនដែលមាន៥០,៣អង្សាកាលពីឆ្នាំ២០១៥ នៅជិតបឹង Ayding ។
ការអូសបន្លាយនៃសីតុណ្ហភាពខ្ពស់នៅចិនបានបង្កជាបញ្ហាប្រឈមចំពោះបណ្តាញថាមពលអគ្គិសនី និងដំណាំកសិកម្ម ព្រមទាំងបង្កក្ដីបារម្ភអំពីគ្រោះរាំងស្ងួតធ្ងន់ធ្ងរដូចកាលពីឆ្នាំមុនផងដែរ។
គួររំលឹកថា ចាប់តាំងពីខែមេសាមកបណ្តាប្រទេសនៅទូទាំងអាស៊ីបានរងការវាយប្រហារដោយកំដៅហក់ឡើងខ្ពស់មិនធ្លាប់មានដែលបង្កឱ្យមានការព្រួយបារម្ភអំពីសមត្ថភាពរបស់ ប្រទេសនានាក្នុងការសម្របខ្លួនទៅនឹងអាកាសធាតុដែលផ្លាស់ប្តូរយ៉ាងឆាប់រហ័ស។ អ្នកជំនាញ អាកាសធាតុបានអះអាងថា គោលដៅនៃការរក្សាការឡើងកំដៅផែនដីរយៈពេលវែងត្រឹម១,៥អង្សា ទំនងជាមិនអាចសម្រេចបាននោះឡើយ៕
© រក្សាសិទ្ធិដោយ thmeythmey.com