កម្មវិធីបើកអូឡាំពិកប៉ារីស ២០២៤ ត្រូវបានគេរំពឹងថា នឹងមានចំនួនមនុស្សចូលរួមទស្សនាប្រមាណ ៦សែននាក់ និងមើលឃើញការធ្វើដំណើរតាមដងទន្លេ នៃកម្មវិធីបើកដែលមានការបង្ហាញតាមទូកចំនួន ៥០។ កម្មវិធីបើក Paris 2024 នឹងក្លាយជាកម្មវិធីបើកព្រឹត្តិការណ៍កីឡាអូឡាំពិក លើកដំបូងក្នុងប្រវត្តិសាស្ត្រ ដែលនឹងធ្វើឡើងនៅក្រៅកីឡដ្ឋាន។
  

«យើងបានចាប់ផ្តើមសិក្សាថ្ងៃនេះ ដែលថាវាអាចធ្វើបានទៅតាមបច្ចេកទេស។ យើងកំពុងតែព្យាយាមធ្វើអ្វីមួយដែលប្លែកខុសពីមុន។ ប្រសិនបើអ្នកចង់ឱ្យមនុស្សគ្រប់គ្នា ចងចាំព្រឹត្តិការណ៍កីឡានេះ អ្នកត្រូវតែផ្តល់ឱ្យពួកគេនូវអ្វីដែលពួកគេមិនធ្លាប់បានឃើញពីមុន។»។ នេះបើតាមសម្តីរបស់គណៈកម្មាធិការរៀបចំ លោក Tony Estanguet។
 

លោក Estanguet បានអះអាងបន្ថែមទៀត អំពីការធ្វើតេស្តសាកល្បងនេះ ដើម្បីដឹងពីពេលវេលា ក្នុងការធ្វើដំណើរតាមទូក ក៏ដូចជាការដោះស្រាយបញ្ហាលើម៉ាស៊ីនទូកអំឡុងពេលព្រឹត្តិការណ៍កម្មវិធីបើក។
 

បើតាមសម្តីអ្នករៀបចំដដែល ផ្នែកខាងក្រោមនៃច្រាំងទន្លេ នឹងត្រូវដាក់លក់សំបុត្រ នោះអ្នកទស្សនានឹងមានឱកាសក្នុងការចូលទៅកាន់ផ្នែកខាងលើដោយឥតគិតថ្លៃ ដើម្បីទស្សនាកម្មវិធីបើក៕