«វាជាអាទិភាពរបស់ចិនដើម្បីបញ្ឈប់អនុប្រធានាធិបតីតៃវ៉ាន់ លោក William Lai ពីការឈប់ចតនៅអាម៉េរិកនៅខែក្រោយ»។ ឯកអគ្គរដ្ឋទូតចិននៅអាម៉េរិកលោក Xie Feng បានថ្លែងបែបនេះនៅថ្ងៃទី១៩ ខែ កក្កដា នៅក្នុងទីក្រុងវ៉ាស៊ីនតោន។ 

 

លោក Lai ត្រូវឈប់ចតនៅអាម៉េរិកនៅខែក្រោយនេះក្នុងដំណើរទៅនិងមកប៉ារ៉ាហ្កាយដើម្បីចូលរួមពិធីប្រគល់តំណែងដល់ប្រធានាធិបតីថ្មីរបស់ប៉ារ៉ាហ្កាយដែលនឹងប្រព្រឹត្តិទៅនៅថ្ងៃទី១៥ ខែសីហា។ គម្រោងមួយនេះបានធ្វើឱ្យក្រុងប៉េកាំងដោយរិះគន់លោក Lai ថា ជាអ្នកបំបែកខ្លួន។

 

ជាមួយគ្នានេះ លោក Xie បានលើកឡើងថា៖ «តៃវ៉ាន់គឺជាតៃវ៉ាន់របស់ចិន ហើយចិនចង់បាននូវការបង្រួបបង្រួមដោយសន្តិវិធី ប៉ុន្តែអ្នកកបំបែកខ្លួនតៃវ៉ាន់កំពុងតែជំរុញរបៀបវារៈដោយស្វែងរកការគាំទ្រពីអាម៉េរិក»។

 

ប្រេសិត ក៏ហៅ​គម្រោងឈប់ចតនៅអាម៉េរិករបស់លោក Lai ​ជា​ការ​គំរាម​កំហែង​ដ៏​ច្បាស់​មួយ​ដែល​មិន​អើពើមក​លើចិន។

 

ជុំវិញរឿងនេះ អ្នកការទូតអាម៉េរិកប្រចាំទីក្រុងតៃប៉ិបានឆ្លើយតបវិញថា គ្មានហេតុផលណាដែលចិនចាត់វិធានការបង្កហេតុដើម្បីបញ្ឈប់របស់លោក Lai ។ មន្រ្តីអះអាងថា ការឈប់សំចតបែបនេះបានកើតឡើងជាច្រើនឆ្នាំ និងជាទម្លាប់ទៅហើយ។

 

គួរបញ្ជាក់ថា តៃវ៉ាន់នឹងរៀបចំការបោះឆ្នោតជ្រើសរើសប្រធានាធិបតី និងការបោះឆ្នោតសភារបស់ខ្លួននៅខែមករា ឆ្នាំក្រោយ ហើយលោក Lai គឺជាបេក្ខភាពប្រធានាធិបតីរបស់គណបក្សប្រជាធិបតេយ្យជឿនលឿនកំពុងកាន់អំណាច ដែលកំពុងនាំមុខក្នុងការស្ទង់មតិភាគច្រើន៕