ជាតិ
បោះឆ្នោត
នយោបាយជាតិ
អ្នកនាំពាក្យ គ.ជ.ប៖ ពលរដ្ឋមានភាពកក់ក្តៅចេញទៅបោះឆ្នោត ទោះមនុស្សមួយចំនួនតូចព្យាយាមបំផ្លាញសន្លឹកឆ្នោត
× ក្រោយបិទបញ្ចប់ការបោះឆ្នោតជាផ្លូវការនាវេលាម៉ោង៣រសៀលថ្ងៃទី២៣ ខែកក្កដា នេះ លោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានអះអាងប្រាប់សារព័ត៌មានឌីជីថលថ្មីៗ តាមទូរសព្ទថា ការបោះឆ្នោតមានភាពល្អប្រសើរ និងដំណើរការទៅយ៉ាងរលូន។
លោកបានបញ្ជាក់ថា ពលរដ្ឋមានភាពកក់ក្តៅ ពេលចេញទៅបោះឆ្នោត បើទោះបីជាមានមនុស្សមួយចំនួនតូចព្យាយាមបំផ្លាញសន្លឹកឆ្នោតក៏ដោយ។ បញ្ហានេះ លោកអះអាងថា សមត្ថកិច្ចបានកំណត់មុខសញ្ញាអ្នកបង្កបញ្ហារួចហើយ។
ទាក់ទងនឹងការក្រុមអ្នកសង្កេតការណ៍ អ្នកនាំពាក្យគ.ជ.ប មើលឃើញចំនួនដ៏ច្រើន ដោយអ្នកខ្លះគ្មានកន្លែងគ្រប់គ្រាន់ចូលក្នុងការិយាល័យ ដោយរង់ចាំប្តូរវេនជាមួយអ្នកនៅខាងក្នុង៕
© រក្សាសិទ្ធិដោយ thmeythmey.com