សិល្បករ សិល្បការិនី ១,៥០២រូប ទទួលគ្រឿងឥស្សរិយយស ពីព្រះមហាក្សត្រ និងរដ្ឋាភិបាល

ជាតិ

សិល្បករ សិល្បការិនី ១,៥០២រូប ទទួលគ្រឿងឥស្សរិយយស ពីព្រះមហាក្សត្រ និងរដ្ឋាភិបាល

27, Jul 2023 , 7:59 pm

រូបភាព

ដោយ: ប៉ូ សាគុន

ភ្នំពេញ៖ ព្រះករុណាព្រះបាទសម្ដេចព្រះបរមនាថ នរោត្តម សីហមុនី បានប្រោសព្រះរាជទាន គ្រឿងឥស្សរិយយសតាមលំដាប់ថ្នាក់ ដល់សិល្បករ សិល្បការិនី ចំនួន១៤១រូប ដោយបែងចែកគ្រឿងឥស្សរិយយសផ្សេងៗគ្នា។ រីឯរាជរដ្ឋាភិបាល ផ្ដល់គ្រឿងឥស្សរិយយសដល់សិល្បករ សិល្បការិនី ចំនួន១,៣៦០រូប។

គ្រឿងឥស្សរិយយស ដែលព្រះរាជាទ្រង់ប្រោសព្រះរាជទាន ដល់សិល្បករសិល្បការិនី ទាំង១៤១រូប រួមមានគ្រឿងឥស្សរិយយស “ជាតូបការ”។ គ្រឿងឥស្សរិយយស “ព្រះរាជាណាចក្រកម្ពុជា” ថ្នាក់ “មហាសេរីវឌ្ឍន៍”។ គ្រឿងឥស្សរិយយស “មុនីសារាភ័ណ្ឌ“ ថ្នាក់ “មហាសេរីវឌ្ឍន៍”។ គ្រឿងឥស្សរិយយស “ព្រះរាជាណាចក្រកម្ពុជា” ថ្នាក់ “មហាសេនា”។ គ្រឿងឥស្សរិយយស “មុនីសារាភ័ណ្ឌ” ថ្នាក់ “មហាសេនា”។ និងគ្រឿងឥស្សរិយយស “ព្រះរាជាណាចក្រកម្ពុជា” ថ្នាក់ “អស្សឫទ្ធិ”។ ការប្រោសព្រះរាជទាននេះ ធ្វើឡើងនៅព្រះបរមរាជវាំង នៅថ្ងៃទី២៩ ខែមិថុនា ឆ្នាំ២០២៣។

ចំណែកផ្នែកខាងរាជរដ្ឋាភិបាលវិញ បានបំពាក់មេដាយ ជូនសិល្បករសិល្បការិនីគ្រប់ទម្រង់ ចំនួន១,៣៦០នាក់ ដែលបានផ្ដល់គ្រឿងឥស្សរិយយស “មុនីសារាភ័ណ្ឌ” ថ្នាក់ “ធិបឌិន្ន” និងគ្រឿងឥស្សរិយយស “មុនីសារាភ័ណ្ឌ” ថ្នាក់ “អស្សឫទ្ធិ”។ រដ្ឋាភិបាល ក៏បានសម្រេចផ្ដល់មេដាយ “សហមេត្រី” ថ្នាក់ “អស្សឫទ្ធិ” ដល់សិល្បករមួយរូបផងដែរ។

សូមបញ្ជាក់ថា សិល្បករសិល្បការិនី ដែលទទួលបានគ្រឿងឥស្សរិយយស ពីព្រះរាជា និងរាជរដ្ឋាភិបាល ដោយសារសិល្បករ សិល្បការិនីទាំងនោះ មានស្នាដៃល្អឆ្នើម ចូលរួមចំណែក “អភិរក្ស និងអភិវឌ្ឍន៍” ជាមួយរាជរដ្ឋាភិបាល ក្នុងស្មារតីបុព្វហេតុ នៃវប្បធម៌ជាតិ៕

សូមមើលឈ្មោះ ព្រឹទ្ធាចារ្យ វរសិល្បករ សិល្បករ សិល្បការិនី ដែលមានរាយនាម ខាងក្រោម៖